Biełaruś apynułasia ŭ topie krain pa tempach ukaranieńnia DeepSeek
U 2025 hodzie vykarystańnie hienieratyŭnaha ŠI ŭ śviecie praciahnuła raści: u druhim paŭhodździ dola karystalnikaŭ pavialičyłasia na 1,2 pracentnych punktaŭ i dasiahnuła 16,3% nasielnictva płaniety. Heta aznačaje, što prykładna kožny šosty čałaviek u śviecie ŭžo vykarystoŭvaje ŠI dla vučoby, pracy ci rašeńnia zadač. Ale niahledziačy na ahulny rost, danyja pakazvajuć amal dvuchrazovy — i ŭzmacnialny — ličbavy razryŭ pamiž krainami hłabalnych Poŭnačy i Poŭdnia. Pra heta havorycca ŭ śviežaj spravazdačy Microsoft, piša Devby.io.
U krainach hłabalnaj Poŭnačy ŠI vykarystoŭvajuć 24,7% pracazdolnaha nasielnictva, tady jak u krainach hłabalnaha Poŭdnia — tolki 14,1%. U lidarach AAE — tut pakazčyk składaje 64%. U top-5 taksama ŭvajšli Sinhapur, Narviehija, Irłandyja i Francyja.
Biełaruś znachodzicca ŭ nižniaj čverci śpisa prykładna 150 krain z vynikam 8,4% — +0,8 pracentnych punktaŭ u druhim kvartale da pieršaha.
Paralelna z hetym u 2025 hodzie adbyŭsia jašče adzin važny zruch — imklivy rost kitajskaj niejrasietki DeepSeek, jakaja atrymała zaŭvažnuju pieravahu ŭ krainach, dzie dostup da zachodnich ŠI-servisaŭ abmiežavany ci ŭskładnieny. Startap prapanavaŭ całkam biaspłatnaha čat-bota biez padpiski i płatnych funkcyj, tym samym likvidavaŭšy jak finansavyja, tak i techničnyja barjery dla dostupu.
Najbolšaja papularnaść DeepSeek zafiksavana ŭ Kitai, Rasii, Iranie, Kubie i Biełarusi. U Kitai ŭzrovień raspaŭsiudžvańnia DeepSeek składaje 89%, u Biełarusi — 56%. Heta navat bolš, čym u Rasii — 43%. Taksama płatforma chutka raście ŭ krainach Afryki. Dla paraŭnańnia, u Hruzii, Azierbajdžanie i Manholii ŭzrovień raspaŭsiudžvańnia DeepSeek nižejšy za 5% — u tym ža dyjapazonie, što ŭ ZŠA i bolšaści krain Jeŭropy.
Pośpiech DeepSeek adlustroŭvaje bolš šyrokuju tendencyju, adznačajuć u Microsoft: hłabalnaje raspaŭsiudžvańnie ŠI vyznačajecca nie tolki jakaściu madelaŭ, ale i dastupnaściu, ekanamičnym kantekstam i palityčnymi ŭmovami. Adkrytyja ŠI-madeli mohuć chutka maštabavacca ŭ rehijonach, jakija akazalisia vyklučanymi ź pieršaj chvali ŠI-ŭkaranieńnia, i stanoviacca instrumientam technałahičnaha i hieapalityčnaha ŭpłyvu.
U cełym danyja Microsoft śviedčać, što śviet imkliva asvojvaje ŠI, ale heta adbyvajecca vielmi nieraŭnamierna. U lidarach pa-raniejšamu krainy, jakija rana inviestavali ŭ ličbavuju infrastrukturu, navyki i dziaržaŭnyja ŠI-inicyjatyvy. Taksama rost płatformaŭ nakštałt DeepSeek śviedčyć pra toje, što nastupnaja chvala karystalnikaŭ ŠI moža pryjści nie z tradycyjnych technałahičnych centraŭ, a z krain hłabalnaha Poŭdnia i dziaržaŭ z abmiežavanym dostupam da zachodnich technałohij.
Kitaj choča stać technałahičnym lidaram śvietu — ale prablemy ŭ ekanomicy tolki rastuć
ŠI biaśsilny pierad mastactvam: vieršavanyja zapyty zmusili jaho raskazać, jak stvarać atamnyja bomby i łamać sajty
Stała viadoma, kolki ŭ Biełarusi karystalnikaŭ kitajskaha čat-bota DeepSeek
Spytali papularnyja madeli ŠI pra biełaruskuju nacyjanalnuju ideju. Voś što adkazali amierykanskija, a što kitajskaja
DeepSeek źbiraje danyja karystalnikaŭ i ŭ niezašyfravanym vyhladzie dasyłaje ŭ Kitaj
Kanał «Rośsija 1» paviedamiŭ, što DeepSeek raspracavany na asnovie savieckaha koda. Akazałasia, heta navina z satyryčnaha sajta
Lan Veńfen — tajemny zasnavalnik DeepSeek, jaki pieraviarnuŭ śviet štučnaha intelektu
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami26
Kamientary