Mierkavańnie: «Žyćcio-malina» musić praciahvacca, Mikita biełarusieŭ i biełarusiŭ nie dla taho, kab heta spyniłasia
Ja razumieju hora kamandy, ale sprava Mikity Miełkaziorava musić praciahvacca na jahonym ža kanale, piša Mikoła Buhaj.
Kali ŭ 1991 hodzie Siarhiej Dubaviec adnaŭlaŭ «Našu Nivu», mocna suprać vystupaŭ paet Nił Hilevič. «Naša Niva» — heta pomnik, i musić pomnikam zastacca, kazaŭ jon.
Čas pakazaŭ, što racyju mieŭ Dubaviec, a nie Hilevič. Mianiajucca redaktary, mianiajucca pakaleńni, ale vydańnie zastajecca, robić biełaruskuju spravu. A što tołku, kali «NN» zastałasia b ekspanatam na palicy? Da jaje źviartalisia b adzinki.
Kamanda kanała «Žyćcio-malina» zajaviła, što inšaha viadoŭcu na kanał šukać nie buduć. «Mikita, ty sam sabie stvaryŭ pomnik. Chaj jon zastaniecca ŭ tym vyhladzie, u jakim ty nam jaho pakinuŭ».
Heta niapravilna, chłopcy. Spynić «Žyćcio-malinu» — heta zabić žyvy kanał, heta supiarečyć samomu duchu Mikity, jak my, jaho hledačy, jaho ŭsprymali.
Ja nie viedaju, chto moža — i maje maralnaje prava — zamianić Mikitu za rulom «Maliny». Ivulin? Kavieryn? Akudovič? Kirkievič? Niechta zusim novy, kaho my nie bačyli? Tak, nam budzie niazvykła, i heta budzie ŭžo inakšy prajekt (jak «Naša Niva» była inakšaju ŭ 1990-ja, inakšaja — 2000-ja, a jašče inakšaja ŭ 2010-ja, 2020-ja). Ale jon budzie žyvy. Ja viedaju ćviorda: Mikita «biełarusieŭ i biełarusiŭ» nie dla taho, kab heta spyniłasia. Žyvaja «Malina» budzie najlepšym, žyvym pomnikam Mikitu. I ja ŭpeŭnieny, što kamanda «Maliny» zdolnaja znajści pierajemnika i taktoŭna, i maksimalna mudra.
Kali vy zhodnyja sa mnoj, padchapicie hety zaklik u siabie ŭ sietkach.
Ciapier čytajuć
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka13
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi77
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi7
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary