Siońnia vyjšaŭ apošni vypusk «Žyćcia-maliny» ź Mikitam Miełkazioravym, jaki jon zapisaŭ u svoj apošni dzień žyćcia, 21 śniežnia. Heta hutarka z byłym hałoŭnym redaktaram Biełaruskaj redakcyi Radyjo Svaboda Alaksandram Łukašukom.
Kamanda prajekta piša, što heta apošni vypusk na kanale «Žyćcio-malina» naohuł. Inšaha viadučaha na kanał šukać nie buduć.
«Mikita, ty sam sabie stvaryŭ pomnik. Chaj jon zastaniecca ŭ tym vyhladzie, u jakim ty nam jaho pakinuŭ. Praciahvać pracu kanała — heta budzie padmanam i siabie, i hledačoŭ. Dziakuj, što hladzieli i padtrymlivali. Dziakuj, što krytykavali i nienavidzieli. Dziakuj, što nie byli abyjakavymi. Mikita, dziakuj za tvaju vykštałconaść i žadańnie rabić jakaść. U ciabie atrymałasia, moža, i ŭ nas niešta jašče atrymajecca. Tut i ciapier žyćcio dakładna nie malina, ale jano praciahvajecca… I sonca kaliści zahlanie. Byvaj, siabar…», — kažuć kalehi.
«Žyćcio-malina» isnavała piać z pałovaj hadoŭ, vychodziła kožnuju subotu z 27 červienia 2020 hoda, niaźmiennym viadučym byŭ Mikita Miełkazioraŭ.
Stanam na krasavik 2023 hoda na jutub-kanale šou było bolš za 111 tysiač padpisčykaŭ, u 2025 hod kanał pryznali ekstremisckim farmavańniem. Zaraz na kanale 97 tysiač padpisčykaŭ.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary10
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary
Kali vy, staraja kamanda, nie majecie chenci zajmacca pieradajcie inšym ludziam.