«Łatuška, ty ŭlip pa poŭnaj». Pavieł Łatuška raskazaŭ pra novy list z pahrozami
Namieśnik kiraŭnicy Abjadnanaha pierachodnaha kabinieta Pavieł Łatuška viečaram 1 vieraśnia napisaŭ u fejsbuku pra pahrozu, jakaja pastupiła pa elektronnaj pošcie ŭ 20:50 u paniadziełak. Ananimny aŭtar namiakaje na publikacyju niejkaha kampramietujučaha videa.
«Siońnia ŭ 20.50 ja atrymaŭ e-mail mienavita ad taho adrasata, jaki papiaredžvaŭ ab napadzie na mianie ŭ Varšaŭskim univiersitecie za niekalki hadzin da zdareńnia. Jaki papiaredžvaŭ ab vychadzie prapahandysckaha videafilma ANT u dačynieńni da Śviatłany Cichanoŭskaj i mianie. Jaki papiaredžvaŭ pra toje, što «pačynajecca vaša źniščeńnie», — patłumačyŭ Łatuška, čamu surjozna pastaviŭsia da čarhovaha elektronnaha lista.
Palityk prykłaŭ da pasta skrynšot paviedamleńnia: «Dy ŭžo Łatuška, ulip ty pa poŭnaj. Što ž ty taki debił, što nie zaŭvažyŭ, što ciabie na kamieru zdymajuć, heta značyć, hetaja praf*ra ciabie zdymaje».
«List nastupnaha źmiestu demanstruje, što KDB kaardynuje i kiruje dziejnaściu Volhi Karpušonak. Na staroncy Volhi Karpušonak mohuć być apublikavanyja vyklučna padrychtavanyja śpiecsłužbami psieŭdadokazy ŭ styli filma pra padpał. Nijakich sustreč, restaranaŭ i ŭžo tym bolš charasmientu nie było i nie mahło być», — napisaŭ Pavieł Łatuška.
U subotu, 30 žniŭnia, siabra Kaardynacyjnaj rady treciaha sklikańnia Volha Karpušonak u fejsbuku abvinavaciła Paŭła Łatušku ŭ seksualnych damahańniach. Pavieł Łatuška abvierh abvinavačvańni.
Łatuška abviarhaje abvinavačańni ŭ charasmencie ad delehatki KR Karpušonak
Pry Łatušku kruhłasutačna znachodzicca pryłada, jakaja moža vyličyć jaho miescaznachodžańnie z dakładnaściu da mietra
«Jaje dziejańni inśpiravanyja śpiecsłužbami». Pavieł Łatuška daŭ žyvy efir i adkazaŭ na abvinavačvańni Volhi Karpušonak u damahańniach
«Takoje ž pošłaje i durnoje». U Łatuški adkazali na novaje videa Volhi Karpušonak
Lavončyk: Sumniajusia, što Karpušonak kantraluje svoj akaŭnt. Heta abaroty z padručnika prapahandy
Delehatka KR Karpušonak paśla maŭčańnia apublikavała videa
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA58
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny55
Kamientary
At, niama pra što havaryć, poŭny kryzis žanru na "Byčok-film".
U adroźnieńni ad historyi sa Stryžakom miedyjnaja ataka na Łatušku pa ŭzroŭniu jaje arhanizacyi i adčuvańniu štučnaści jaje napampoŭki vielmi nahadvaje raźličanuju na dehienierataŭ tannuju łukašysckuju prapahandu. Kštałtu kino ad KDB-TV sa šprycami i parnačasopisami, pryviezienymi łukašysckimi scenarystami na miesca razburanaj bandytami Pavličenki Płoščy-2006. Źnikłaja małaviadomyja aktyvistka, dopisy ad jaje imia, videa, źniatoje niezrazumieła kali i pry jakich abstavinach i nivodnaha navat sukosnaha dokazu.
Imavierna asabista Tur, jaki zahadzia praanansavaŭ hety "kampramat", i źjaŭlajecca aŭtaram scenaru hetaj burdy. Iharok, historyja nie ŭźlataje, tvaja zorka pad pahrozaj, chutka pradavaj dom i dakuplaj botaŭ, bo apieracyja zryvajecca, i nieŭzabavie daviadziecca pryznačać vinavatych. Sumniajusia, što Paŭlučenka ź Ciercielem addaduć dziela hetaha kahości sa svaich.