Na videa vyhladaje, nibyta žančyna ahučvaje zavučany abo nadyktavany tekst. Videa jana, padobna, zapisała ŭ Ispanii, ale nie zrazumieła, kali.
U zapisanym paŭtarachvilinnym videa Volha Karpušonak žalicca, što paśla zapisańnia papiaredniaha sutyknułasia ź ciskam z boku ŚMI i «asobnych kaleh». Prytym cisk hety idzie i z Polščy, i z Ukrainy.
Žančyna śćviardžaje, što maje nieasprečnyja dokazy skazanamu raniej, bo «vy byli nastolki ŭpeŭnienyja ŭ svajoj biespakaranaści, što zabyvalisia pra biaśpieku». I kali pahrozy buduć praciahvacca, to jana tady pieradaść hetyja materyjały «pa-sapraŭdnamu niezaležnym ŚMI». Ad hetych materyjałaŭ «budzie kiepska ŭsim».
Paśla hetaha jana pierajšła da pahrozaŭ niepasredna Paŭłu Łatušku, skazaŭšy, što toje, što jana choča abnarodavać, jamu «vielmi nie spadabajecca».
U tekstavym kamientary da videa Karpušonak zajaŭlaje:
«Z Ukrainy ja pajechała pa ŭłasnym žadańni, nijakaj departacyi nie było i być nie mahło, palihraf va Ukrainie ja prajšła paśpiachova jašče ŭ 2022 hodzie. Ja nikoli nie admaŭlałasia ad prachodžańnia palihrafa ŭ NAU, bolš za toje, sama vystupała z takoj inicyjatyvaj. Adnak jaho prachodžańnie mnie tak i nie arhanizavali, usio zastałosia tolki na słovach.
Z NAU ja pajšła ŭ suviazi z damahańniami z boku Łatuški. Śmiešna nazirać, jak Pavieł admaŭlaje tolki sumiesny pachod u restaran, ale nie ŭsio astatniaje mnoj skazanaje».
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach
Dzie ž sama delehatka KR Karpušonak, jakaja abvinavaciła Łatušku?
«Jaje dziejańni inśpiravanyja śpiecsłužbami». Pavieł Łatuška daŭ žyvy efir i adkazaŭ na abvinavačvańni Volhi Karpušonak u damahańniach
«Nie vieru, što heta piša jana». Taćciana Martynava śćviardžaje, što Karpušonak taksama źnikła
Pry Łatušku kruhłasutačna znachodzicca pryłada, jakaja moža vyličyć jaho miescaznachodžańnie z dakładnaściu da mietra
Łatuška abviarhaje abvinavačańni ŭ charasmencie ad delehatki KR Karpušonak
Tusk zajaviŭ pra hatoŭnaść adkryć Babroŭniki i Kuźnicu ź listapada63
Kamientary
Jakaja sproba budzie nastupnaj?)