«Латушка, ты ўліп па поўнай». Павел Латушка расказаў пра новы ліст з пагрозамі
Намеснік кіраўніцы Аб'яднанага пераходнага кабінета Павел Латушка вечарам 1 верасня напісаў у фэйсбуку пра пагрозу, якая паступіла па электроннай пошце ў 20:50 у панядзелак. Ананімны аўтар намякае на публікацыю нейкага кампраметуючага відэа.
«Сёння ў 20.50 я атрымаў e-mail менавіта ад таго адрасата, які папярэджваў аб нападзе на мяне ў Варшаўскім універсітэце за некалькі гадзін да здарэння. Які папярэджваў аб выхадзе прапагандысцкага відэафільма АНТ у дачыненні да Святланы Ціханоўскай і мяне. Які папярэджваў пра тое, што «пачынаецца ваша знішчэнне», — патлумачыў Латушка, чаму сур'ёзна паставіўся да чарговага электроннага ліста.
Палітык прыклаў да паста скрыншот паведамлення: «Ды ўжо Латушка, уліп ты па поўнай. Што ж ты такі дэбіл, што не заўважыў, што цябе на камеру здымаюць, гэта значыць, гэтая праф*ра цябе здымае».
«Ліст наступнага зместу дэманструе, што КДБ каардынуе і кіруе дзейнасцю Вольгі Карпушонак. На старонцы Вольгі Карпушонак могуць быць апублікаваныя выключна падрыхтаваныя спецслужбамі псеўдадоказы ў стылі фільма пра падпал. Ніякіх сустрэч, рэстаранаў і ўжо тым больш харасменту не было і не магло быць», — напісаў Павел Латушка.
У суботу, 30 жніўня, сябра Каардынацыйнай рады трэцяга склікання Вольга Карпушонак у фэйсбуку абвінаваціла Паўла Латушку ў сэксуальных дамаганнях. Павел Латушка абверг абвінавачванні.
Латушка абвяргае абвінавачанні ў харасмэнце ад дэлегаткі КР Карпушонак
Пры Латушку кругласутачна знаходзіцца прылада, якая можа вылічыць яго месцазнаходжанне з дакладнасцю да метра
«Яе дзеянні інспіраваныя спецслужбамі». Павел Латушка даў жывы эфір і адказаў на абвінавачванні Вольгі Карпушонак у дамаганнях
«Такое ж пошлае і дурное». У Латушкі адказалі на новае відэа Вольгі Карпушонак
Лявончык: Сумняюся, што Карпушонак кантралюе свой акаўнт. Гэта абароты з падручніка прапаганды
Дэлегатка КР Карпушонак пасля маўчання апублікавала відэа
Цяпер чытаюць
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія1
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары
Ат, няма пра што гаварыць, поўны крызіс жанру на "Бычок-фільм".
У адрозненні ад гісторыі са Стрыжаком медыйная атака на Латушку па ўзроўню яе арганізацыі і адчуванню штучнасці яе напампоўкі вельмі нагадвае разлічаную на дэгенератаў танную лукашысцкую прапаганду. Кшталту кіно ад КДБ-ТВ са шпрыцамі і парначасопісамі, прывезенымі лукашысцкімі сцэнарыстамі на месца разбуранай бандытамі Павлічэнкі Плошчы-2006. Зніклая малавядомыя актывістка, допісы ад яе імя, відэа, знятое незразумела калі і пры якіх абставінах і ніводнага нават сукоснага доказу.
Імаверна асабіста Тур, які загадзя праанансаваў гэты "кампрамат", і з'яўляецца аўтарам сцэнару гэтай бурды. Ігарок, гісторыя не ўзлятае, твая зорка пад пагрозай, хутка прадавай дом і дакупляй ботаў, бо аперацыя зрываецца, і неўзабаве давядзецца прызначаць вінаватых. Сумняюся, што Паўлючэнка з Церцелем аддадуць дзеля гэтага кагосці са сваіх.