«Takoje ž pošłaje i durnoje». U Łatuški adkazali na novaje videa Volhi Karpušonak
Narodnaje antykryzisnaje ŭpraŭleńnie, jakim kiruje Pavieł Łatuška, u suviazi z publikacyjaj delehatkaj Kaardynacyjnaj rady Volhaj Karpušonak novaha videa vydała zajavu, nazvaŭšy heta «metanakiravanaj śpiecyjalnaj infarmacyjnaj apieracyjaj KDB Biełarusi, nakiravanaj na dyskredytacyju kiraŭnika NAU Paŭła Łatuški».
«Možam vykazać zdahadku, što heta videa zapisana zahadzia, pakolki jano nie ŭtrymlivaje nivodnaha faktu, nivodnaha dokazu i nie adkazvaje ni na adzin naš kontrarhumient», — zajaŭlajuć paplečniki Paŭła Łatuški.
Taksama nijakich faktaŭ i dokazaŭ žančyna, jak śćviardžajecca nie pryvodzić, kali havoryć pra cisk z boku ŭładaŭ Polščy i Ukrainy, a taksama z boku niezaležnych ŚMI i niekatorych kalehaŭ, ale i ŭ hetym vypadku nie pryvodzić nijakich faktaŭ i dokazaŭ. Pry hetym vielmi cikava daviedacca, «jakija ŚMI z punktu hledžańnia Volhi Karpušonak źjaŭlajucca «pa-sapraŭdnamu niezaležnymi».
«Śćviardžeńnie Volhi Karpušonak «vy zabyvalisia pra svaju biaśpieku» śviedčyć pra toje, što jaje sapraŭdy varta było bajacca. Tamu joj i było prapanavana prajści palihraf, paśla čaho jana spyniła svajo vałanciorstva ŭ NAU», — adkazvaje NAU na pahrozy Karpušonak.
A naprykancy kanstatuje:
«Vušy režymu tyrčać za kožnym tezisam Volhi Karpušonak. Usio heta — praciah historyi pra «padpalščyka» — takoje ž pošłaje i durnoje».
Delehatka KR Karpušonak paśla maŭčańnia apublikavała videa
Dzie ž sama delehatka KR Karpušonak, jakaja abvinavaciła Łatušku?
«Jaje dziejańni inśpiravanyja śpiecsłužbami». Pavieł Łatuška daŭ žyvy efir i adkazaŭ na abvinavačvańni Volhi Karpušonak u damahańniach
«Nie vieru, što heta piša jana». Taćciana Martynava śćviardžaje, što Karpušonak taksama źnikła
Łatuška abviarhaje abvinavačańni ŭ charasmencie ad delehatki KR Karpušonak
Kamientary
[Zredahavana]