Ці праўда, што ўзмацніліся праверкі на беларускай мяжы? Што вядома
1 жніўня праваабаронцы «Вясны» паведамілі пра рэйсавы аўтобус з Польшчы, з якога 14 чалавек адвялі на допыты. Ці так адбываецца на польска-беларускай мяжы кожны раз?
Калі прааналізаваць беларускія чаты па праходжанні мяжы, дзе людзі дзеляцца сваім досведам і апісваюць дэталі маршрутаў, вымалёўваецца наступная карціна.
Пасажыраў рэйсавых аўтобусаў сапраўды выводзяць на допыты — часта прычынай для таго можа стаць украінскі, расійскі ці іншы замежны пашпарт. Але адбываецца так не кожны раз.
Пра тое, што адбываецца на такіх допытах і ці ва ўсіх людзей правяраюць тэлефоны, паведамленняў у адкрытых суполках няма.
З таго, пра што вядома, значная затрымка аўтобуса (каля трох гадзін) з Польшчы адбылася 30 ліпеня — тады, як напісалі ў чаце, «з гутарак дачакаліся не ўсіх». Бывае таксама, што на размову выклікаюць толькі аднаго чалавека з рэйса.
Напрыклад, у чаце заўважылі, што 1 жніўня ў 8:45 аўтобус прыехаў на пашпартны кантроль і чаканне людзей з гутарак цягнулася да 10:10.
28 ліпеня пасажыры падобнага рэйсу ў 5:20 раніцы прыехалі — хутка прайшлі памежны кантроль, прагналі рэчы праз рэнтген — і потым да 8-й раніцы чакалі людзей з размоў з гэбістамі.
З Вільні аўтобус стаяў на беларускай мяжы 1 гадзіну 20 хвілін — пасажыры чакалі з допыту аднаго чалавека.
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары