Усяго патроху

Грыбнік паказаў пяць відаў баравікоў з беларускіх лясоў

Сярод іх ёсць від, які зусім нядаўна трапіў да нас з Канады, а таксама ўмоўна атрутны.

Аляксандр Гарбацэвіч. Скрын відэа: skyforest.ai / TikTok

Грыбнік Аляксандр Гарбацэвіч у сваім тыкток-канале расказаў пра пяць відаў ядомых белых грыбоў, якія ён знайшоў у беларускіх лясах.

Першы — белы грыб дубовы. Гэты грыб яшчэ называюць «сеткаватым». Сярод іншых белых грыбоў ён вылучаецца характэрнай сеткай на ножцы і «дубовым» колерам.

Белы грыб дубовы ці «сеткаваты». Скрын відэа: skyforest.ai / TikTok

Як правіла, заўважае Аляксандр, гэты від грыбоў расце з дубамі і грабамі. Часам яго можна сустрэць побач са старымі бярозамі. І нават, як запэўнівае грыбнік, у Беларусі ёсць адзін лес, дзе белы грыб дубовы расце побач з асінамі, што «максімальна антынавукова».

Белы грыб бярозавы. Скрын відэа: skyforest.ai / TikTok

Бярозавы і яловы баравікі грыбнік аб'яднаў у адзін від, бо яны падобныя адзін да аднаго шапачкай, пад якою маюць белы колер. Адзінае адрозненне, па словах Гарбацэвіча, гэта няроўнасці на шапачцы ў яловых баравікоў.

«Гэта ўсё вельмі каштоўныя ядомыя белыя грыбы. Іх нельга адварваць, каб не згубіць смак», — даводзіць грыбнік.

Захопнік беларускіх лясоў — залацісты баравік. Скрын відэа: skyforest.ai / TikTok

«Захопнікам беларускіх лясоў» Аляксандр называе залацісты баравік, які «прыляцеў да нас з Канады і за шэсць гадоў захапіў усю тэрыторыю Беларусі».

«Гэтыя грыбы ўстойлівыя да засухі, растуць побач з соснамі. У цэлым таксама смачныя», — расказвае Гарбацэвіч.

«Каралі грыбнога царства» — сасновыя баравікі. Скрын відэа: skyforest.ai / TikTok

«Каралямі грыбнога царства» па ацэнцы мужчыны, з'яўляюцца сасновыя баравікі.

Яны маюць бардовага колеру шапачку, і, як сцвярджае Аляксандр, адметны ад іншых баравікоў пах, з «трохі фруктовым адценнем».

«Госць з пекла». Скрын відэа: skyforest.ai / TikTok

Пяты від баравікоў грыбнік назваў «госцем з пекла».

«Дубовік аліўкава-буры. Пад шапачкай ён чырвонага колеру. Пры націсканні, дэфармацыі ён чарнее», — апісвае мужчына гэты від грыбоў і заўважае, што ён «трохі атрутны ў сырым выглядзе».

«Абавязкова адварыць, зліць адвар і тады ўжо можна гатаваць», — рэкамендуе эксперт.

Не атрымалася знайсці ў грыбніка толькі неядомы двайнік баравіка — грыб-гарчак.

Двайнік баравіка — грыб-гарчак. Скрын відэа: skyforest.ai / TikTok

«У яго ружавае пад шапачкай пры націсканні. Ружовая гама колеру. Адзін грыб вельмі горкі і можа сапсаваць увесь збор. Атруціцца немагчыма, але будзе на фізічным узроўні цяжка грыбы з'есці. Яны стануць горкімі», — тлумачыць мужчына.

@skyforest.ai 5 видов белых грибов! Где ядовитый?! ☠️ #горчак #белыйгриб ♬ оригинальный звук - Александр Горбацевич

Каментары

Цяпер чытаюць

У Беларусі вырастуць цэны на некаторыя аўтамабілі, а выбар стане меншым. Вось чаму4

У Беларусі вырастуць цэны на некаторыя аўтамабілі, а выбар стане меншым. Вось чаму

Усе навіны →
Усе навіны

У Белаазёрску адкрылі помнік беларускай крэветцы3

Легенда пра святога Пятра Міронавіча48

45 гадоў таму ў аўтакатастрофе разбіўся Пятро Машэраў23

Упершыню ў гісторыі жанчына можа стаць прэм'ер-міністрам Японіі4

Расійскі мастак знішчыў працу беларускай мастачкі на выставе ў Берліне24

Сыны «літоўскага шпіёна» адправілі Лукашэнку ліст. Тым часам усплылі новыя дэталі яго справы20

Змены ў закон: бяспраўнікаў падзеляць на некалькі катэгорый, а п'яных пешаходаў пачнуць штрафаваць без папярэджання3

У міліцыі пракаментавалі дзіўнае відэа з «дзявяткай» на беларускіх нумарах9

У Якуцку забітыя ўдава і малы сын мясцовага палітыка, які загінуў ва Украіне — падазраюць 16‑гадовую дачку3

больш чытаных навін
больш лайканых навін

У Беларусі вырастуць цэны на некаторыя аўтамабілі, а выбар стане меншым. Вось чаму4

У Беларусі вырастуць цэны на некаторыя аўтамабілі, а выбар стане меншым. Вось чаму

Галоўнае
Усе навіны →

Заўвага:

 

 

 

 

Закрыць Паведаміць