Siarod ich jość vid, jaki zusim niadaŭna trapiŭ da nas z Kanady, a taksama ŭmoŭna atrutny.
Hrybnik Alaksandr Harbacevič u svaim tyktok-kanale raskazaŭ pra piać vidaŭ jadomych biełych hryboŭ, jakija jon znajšoŭ u biełaruskich lasach.
Pieršy — bieły hryb dubovy. Hety hryb jašče nazyvajuć «sietkavatym». Siarod inšych biełych hryboŭ jon vyłučajecca charakternaj sietkaj na nožcy i «dubovym» koleram.
Jak praviła, zaŭvažaje Alaksandr, hety vid hryboŭ raście z dubami i hrabami. Časam jaho možna sustreć pobač sa starymi biarozami. I navat, jak zapeŭnivaje hrybnik, u Biełarusi jość adzin les, dzie bieły hryb dubovy raście pobač z asinami, što «maksimalna antynavukova».
Biarozavy i jałovy baraviki hrybnik abjadnaŭ u adzin vid, bo jany padobnyja adzin da adnaho šapačkaj, pad jakoju majuć bieły koler. Adzinaje adroźnieńnie, pa słovach Harbaceviča, heta niaroŭnaści na šapačcy ŭ jałovych baravikoŭ.
«Heta ŭsio vielmi kaštoŭnyja jadomyja biełyja hryby. Ich nielha advarvać, kab nie zhubić smak», — davodzić hrybnik.
«Zachopnikam biełaruskich lasoŭ» Alaksandr nazyvaje załacisty baravik, jaki «prylacieŭ da nas z Kanady i za šeść hadoŭ zachapiŭ usiu terytoryju Biełarusi».
«Hetyja hryby ŭstojlivyja da zasuchi, rastuć pobač z sosnami. U cełym taksama smačnyja», — raskazvaje Harbacevič.
«Karalami hrybnoha carstva» pa acency mužčyny, źjaŭlajucca sasnovyja baraviki.
Jany majuć bardovaha koleru šapačku, i, jak śćviardžaje Alaksandr, admietny ad inšych baravikoŭ pach, z «trochi fruktovym adcieńniem».
«Hość ź piekła». Skryn videa: skyforest.ai / TikTok
Piaty vid baravikoŭ hrybnik nazvaŭ «hościem ź piekła».
«Dubovik aliŭkava-bury. Pad šapačkaj jon čyrvonaha koleru. Pry naciskańni, defarmacyi jon čarnieje», — apisvaje mužčyna hety vid hryboŭ i zaŭvažaje, što jon «trochi atrutny ŭ syrym vyhladzie».
«Abaviazkova advaryć, źlić advar i tady ŭžo možna hatavać», — rekamienduje ekśpiert.
Nie atrymałasia znajści ŭ hrybnika tolki niejadomy dvajnik baravika — hryb-harčak.
«U jaho ružavaje pad šapačkaj pry naciskańni. Ružovaja hama koleru. Adzin hryb vielmi horki i moža sapsavać uvieś zbor. Atrucicca niemahčyma, ale budzie na fizičnym uzroŭni ciažka hryby źjeści. Jany stanuć horkimi», — tłumačyć mužčyna.
@skyforest.ai 5 vidov biełych hribov! Hdie jadovityj?! ☠️ #horčak #biełyjhrib ♬ orihinalnyj zvuk - Aleksandr Horbacievič
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje22
Kamientary