Лукашэнка загадаў строга пытацца за кожны скрадзены каласок падчас жніва
Сёння Лукашэнка правёў селектарную нараду наконт жніва.
Адно з пытанняў, якое ён узняў на нарадзе, — пытанне крадзяжоў падчас жніва.
Лукашэнка папярэдзіў, што ён добра дасведчаны пра сітуацыю на месцах і без прыцягнення міліцыі: «Што толькі можна — тое і крадуць. Спыніць трэба жалезным чынам».
Звяртаючыся да кіраўніка МУС Івана Кубракова, ён запатрабаваў прымаць самыя жорсткія меры да «несуноў». «Ніхто за каласок з чалавека не пытае. Але калі вінаваты — і за каласок спытаеце», — сказаў ён.
Таксама Лукашэнка спыніўся на кадравай праблеме і прапанаваў прыцягваць з гарадоў механізатараў на перыяд уборкі.
«Трэба зрабіць так, каб людзі, якія кінулі сяло і з'ехалі ў горад, — па-добраму з імі дамовіцца, — каб яны ў цяжкія моманты дапамагалі. Асабліва механізатары на камбайнах. Гэта адзінкавыя (спецыялісты), не кожнаму камбайн даверыш. Таму гараджан трэба задзейнічаць, як толькі можна, але і мы да іх павінны па-чалавечы ставіцца і дапамагаць. Гэтых людзей нельга забываць ніколі цягам году, а не толькі тады, калі яны нам патрэбныя», — прапанаваў Лукашэнка.
Каментары
Украденные комбикорма и топливо исчисляются сотнями литров и килограммов...
Валіць трэба адсюль з дзяцьмі!