Спецслужбы пад выглядам «друку сімволікі і сцягоў» спрабуюць падбіць беларусаў замежжа перадаць свае асабістыя звесткі
Па чатах шукаюць псеўдаваланцёраў і прапануюць аддаць свае кантакты пад выглядам «замовы сцягоў, маек, бранзалетаў і іншага».
Невядомыя пачалі рабіць па чатах дыяспары новую рассылку. Цяпер яны прапануюць беларусам замежжа пакінуць свае кантактныя звесткі — імя і тэлеграм або інстаграм.
Узамен нібыта можна атрымаць у Варшаве сувенірную прадукцыю з нацыянальнымі беларускімі колерамі.
«Раздаваць будзем да 18:30 каля галоўнага ўваходу ў Базіліку Святога Крыжа», — пішуць яны.
Падобна, што за гэтым стаяць лукашэнкаўскія спецслужбы. Акаўнт (id7579123793), з якога гэтым разам вядзецца рассылка, створаны зусім нядаўна. Ён нідзе і ніколі не быў заўважаны раней. Акаўнт ад сёння ўступае ў чаты і раскідвае аднатыпныя паведамленні па ўсіх чатах дыяспары, у якія можа увайсці.
Да гэтага ў чатах шукалі «валанцёраў на мерапрыемства». Месца збору там аб'явілі тое ж — Варшава, Базіліка Святога Крыжа, 18:30. Можна меркаваць, што спецслужбы рыхтуюць там нейкую правакацыю перад сустрэчай з Ціханоўскімі:
«Мы будзем раздаваць плакаты і збіраемся прынесці вялікі сцяг. Патрэбныя тыя, хто будзе раздаваць гэта. Збіраемся ля касцёла на рагу. Убачыце мужчыну і жанчыну з плакатамі — можаце падыходзіць», — распавядае ўсім акаўнт, які шукае «валанцёраў».
Агулам жа задзейнічаныя не менш за шэсць розных акаўнтаў, уключна з захопленым акаўнтам адміністратаркі Вікіпедыі Вольгі Сітнік.
«Наша Нiва» — бастыён беларушчыны
ПАДТРЫМАЦЬСпецслужбы шукаюць фатографаў на мітынг Ціханоўскіх праз скрадзены акаўнт арыштаванай рэдактаркі Вікіпедыі
Невядомыя спрабуюць наняць фатографа для здымкі прысутных на сустрэчы з Ціханоўскім у Варшаве
Акаўнт сілавікоў шукае ахвотных паздымаць людзей на форуме апазіцыі. А ў іншых чатах папярэджвае, што гэта небяспечна
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары