Грамадства99

Акаўнт сілавікоў шукае ахвотных паздымаць людзей на форуме апазіцыі. А ў іншых чатах папярэджвае, што гэта небяспечна

Гэта вельмі падобна на стыль ГУБАЗіК — менавіта Артур Гайко сочыць за акцыямі беларускай эміграцыі.

Калаж «Нашай Нівы»

Карэспандэнты «Нашай Нівы» звярнулі ўвагу на дзіўную актыўнасць новастворанага тэлеграм-акаўнта ID 7685816821.

14 студзеня ён уступіў у некалькі чатаў, звязаных з Літвой і Польшчай. 16 студзеня ён напісаў у суполку «Варшава чат» вось такое паведамленне:

Паведамленне невядомага карыстальніка ў чаце «Варшава чат»

На наступны дзень гэты ж акаўнт спытаўся ў літоўскім чаце, ці не прапанавалі камусьці здымаць за грошы форум Ціханоўскай. А сёння ад самай раніцы ён жа раскідвае аднатыпныя паведамленні такога зместу:

Тэкст, які рассылае акаўнт Shane

У чаце беларусаў Вільні акаўнт папярэдзіў карыстальніка, што, маўляў, шукаюць людзей, гатовых быць фатографамі на мерапрыемстве, а пасля «ў іх адбяруць у Беларусі кватэры».

Зусім незразумела, у чым сэнс такой паралельнай гульні ў супрацьлеглых кірунках.

Мы паспрабавалі напісаць акаўнту Shane з пытаннем пра тое, што трэба здымаць у Варшаве. Ён адаслаў нас у тэлеграм-бот @EventShots_bot. Вось што нас насцярожыла.

Па-першае, бот створаны крыва — у ім на дзвюх мовах бачны такі надпіс з процьмай памылак у польскай мове:

Скрыншот тэксту з бота

З польскай тэкст перакладаецца вось так: «Прарыў, Віктар. Дашлі фота або выяву ды атрымаеш графічны доказ. Ананімнасць гарантаваная!»

Па-другое, ён створаны з дапамогай FleepBot, які паказвае ID карыстальнікаў, якія пішуць у бот — менавіта ім карыстаецца ГУБАЗіК, у той час, як у КДБ ёсць самаробныя боты. Гэта важна для аналізу таго, ці сапраўдны чалавек піша ў бот і ці не журналіст ён.

Акурат нядаўна Гайко анансаваў у сваім канале «Беларускі сілавік», што гатовы плаціць за інфармацыю пра беларускую міграцыю і беларускіх добраахвотнікаў. І акурат Гайко летась збіраў інфармацыю пра правядзенне Дня Волі ў эміграцыі.

«Наша Нiва» — бастыён беларушчыны

ПАДТРЫМАЦЬ

Каментары9

  • Памятаеце?
    20.01.2025
    Хто пару гадоў таму папярэджваў перад Гайко і хто ігнорыў.
  • Богоглаз
    20.01.2025
    Какая ваша тухта этот Телеграм с кучей дыр в безопасности и с предоставлением возможности непонятно кому использовать эти дыры и непонятно в каких целях... Сколько людей из-за мнимой безопасности этого приложения оказалось в беларуских тюрьмах - это мрак. Чтобы законтачить с кем-то (не в этом случае, а вообще), порой, нужно писать в какие-то боты, которые непонятно какую и для кого подсасывает пользовательскую информацию аккаунта.
    Слабовики и прочие сторонние юзатели "Глаза бога" и подобных сервисов, а попробуйте, просто так, пробить условного вымышленного пользователя нового типа аккаунта на Facebook - хрен у вас получится, если только обоснованный (не политический) запрос Цукербергу пошлёте и вам на него ответят. Ну, или либо примените социальную инженерию и подкините пользователю ссылку в личку на прокладку с трекером и такой лопушок перейдет по ней, тогда его затрекаете. Но, если он будет под VPN сидеть, то мало что вам это даст.
  • .
    20.01.2025
    Калі гэты ўмоўны карыстальнік на facebook амаль нідзе не пісаў - то яго бяспека будзе такая ж, як у карыстальніка telegram, які амаль нідзе не пісаў. (І наадварот).
    А калі вы з facebook напішыце знаёмаму "гэта я, М.", і пасля яго зловяць - то ваша небяспека будзе такая ж, як з ананімнага telegram напісаць знаёмаму, і пасля яго зловяць.

    Не разважайце ў тэрмінах "бяспечных" або "небяспечных" сацсетак/праграм, разважайце ў тэрмінах, якую інфармацыю вы адкрылі і каму. І тут пагрозы дэананімізацыі будуць аднолькавыя для любых мэсэнджараў і сацсетак.

Цяпер чытаюць

Колькі сёлета трацілі на вяселлі ў Беларусі? Сабралі рэальныя лічбы тых, хто пабываў у ЗАГСе6

Колькі сёлета трацілі на вяселлі ў Беларусі? Сабралі рэальныя лічбы тых, хто пабываў у ЗАГСе

Усе навіны →
Усе навіны

Рыбак на Мінскім моры злавіў двух здаравезных самоў. Адзін важыў 70 кілаграмаў, другі — крыху менш2

Артура Сянько пакінулі пад вартай у ЗША. Яму па-ранейшаму пагражае дэпартацыя5

Кампанія-аднарог з беларускімі каранямі заплаціць мільёны даляраў за злоўжыванне асабістымі данымі

У Мінску затрымалі «групу нацыстаў». На відэа ў асноўным украінская сімволіка9

Як Капенгаген стварыў «зялёную хвалю» для веласіпедыстаў3

Як Расія з дапамогай карабля-шпіёна сочыць за падводнымі кабелямі Еўропы

Беларускія фуры стаяць у шматкіламетровых чэргах на мяжы Расіі і Казахстана3

Фоты з Масквы даюць пабачыць Пуціна і Лукашэнку без грыму26

Лукашэнка хоча на грошы, якія засталіся ад будаўніцтва АЭС, пабудаваць яшчэ адзін блок

больш чытаных навін
больш лайканых навін

Колькі сёлета трацілі на вяселлі ў Беларусі? Сабралі рэальныя лічбы тых, хто пабываў у ЗАГСе6

Колькі сёлета трацілі на вяселлі ў Беларусі? Сабралі рэальныя лічбы тых, хто пабываў у ЗАГСе

Галоўнае
Усе навіны →

Заўвага:

 

 

 

 

Закрыць Паведаміць