Спорт

Джон Кенэдзі і Роберт Кенэдзі згуляюць на клубным чэмпіянаце свету па футболе ў ЗША. Прычым у адной камандзе

Мексіканская «Пачука» назвала склад на клубны чэмпіянат свету па футболе, які стартуе ў ноч на гэту нядзелю, і там некалькі цікавых імёнаў, піша Sports.ru.

Мексіканская «Пачука» крэатыўна падышла да пачатку турніра 

Напрыклад, паўабаронца Санцьяга Хаменчанка — уругваец з украінска-італьянскімі каранямі, які ў 2023 годзе выйграў чэмпіянат свету сярод моладзі.

А яшчэ два амаль аднолькавыя па прозвішчы бразільцы з розніцай у адну літару ў англійскай мове: Джон Кенэдзі і Роберт Кенэдзі (John Kennedy, Robert Kenedy).

Роберта Кенэдзі назвалі ў гонар амерыканскага пракурора, брата прэзідэнта Джона Кенэдзі. 

Гэта той самы Кенэдзі, якога ў 2015 годзе «Чэлсі» купіў за 8 млн еўра ў «Флуміненсе». Бразільскі вінгер так і не «стрэліў» — ездзіў па арэндах ва «Уотфард», «Ньюкасл», «Хетафэ», «Гранаду», «Фламенга», а ў 2022 годзе ўжо за 500 тысяч еўра перайшоў у «Вальядалід».

Цяпер Кенэдзі 29 гадоў — і якраз перад клубным ЧС «Пачука» арандавала яго з правам выкупу.

Роберт у складзе «Чэлсі». Фота: Wikimedia Commons

У бразільца ёсць досвед перамогі на КЧС — у пачатку 2022 года ён ненадоўга вяртаўся ў «Чэлсі» і паспеў зачапіць гэты трафей. Цяпер ён згуляе супраць «Рэала», «Аль-Хіляля» і «Рэд Бул Зальцбурга».

Але вернемся да імя. Поўнае імя футбаліста — Роберт Кенэдзі Нунес ду Насіменту — і бацькі назвалі яго менавіта ў гонар вядомага сенатара і генеральнага пракурора ЗША Роберта Кенэдзі, малодшага брата 35-га прэзідэнта Джона Кенэдзі. 

«Лёс зноў зводзіць іх разам, каб перапісаць гісторыю ў Злучаных Штатах», — так «Пачука» прадставіла навічка ў відэаанонсе.

Футбаліста Джона Кенэдзі назвалі ў гонар прэзідэнта Джона Кенэдзі. Пляменнік прэзідэнта запісаў яму відэазварот перад фіналам.

Джон Кенэдзі на папярэднім плане святкуе гол у складзе «Пачукі». Фота: Oscar Fuentes/Jam Media/Getty Images

Джон Кенэдзі Батіста дэ Соўза — таксама выхаванец «Флуміненсе». Больш за тое, форвард да гэтага часу належыць клубу з Рыа, а «Пачука» арандуе яго з студзеня.

Джон маладзейшы за Роберта на шэсць гадоў, але яны не сваякі.

У бразільскай Серыі А Кенэдзі дэбютаваў у студзені 2021 года. Джона Кенэдзі назваў так бацька — ён марыў, каб яго сын быў такім жа вядомым, як прэзідэнт ЗША. І прынамсі аднойчы гулец атрымаў прызнанне, пасля якога да яго і з’явіўся інтарэс з Еўропы. У лістападзе 2023 года Кенэдзі прынёс «Флуміненсе» першы ў гісторыі Кубак Лібертадорэс.

Дарэчы, перад фіналам Джону запісаў відэазварот з пажаданнямі поспеху унучаты пляменнік таго самага прэзідэнта.

Менавіта гэтая перамога дазволіла «Флуміненсе» таксама ўдзельнічаць у КЧС-2025.

Але Кенэдзі паехаў на турнір ужо ў складзе іншай каманды. Найхутчэй, з-за праблем з дысцыплінай. Падчас таго розыгрышу Лібертадорэс трэнер Фернанда Дыніз знайшоў да яго падыход, але ў цэлым характар у хлопца праблемны. Яго рэгулярна адхілялі ад трэніровак з асноўным складам за спазненні, пропускі і скандальныя вечарынкі, а аднойчы паліцыя канфіскавала яго аўтамабіль — у ім знайшлі марыхуану.

У фінале Лібертадорэс дурное выдаленне забылася праз пераможны гол. Аднак у фінале Рэкопы (аналаг Суперкубка УЕФА) Джон зноў атрымаў чырвоную пры ліку 1:1 па суме дзвюх сустрэч — пашанцавала, што бразільцы ў выніку ўзялі трафей і без яго. Так у 23 гады Кенэдзі апынуўся ў Мексіцы, дзе ўжо набраў 9+2 у 20 матчах чэмпіянату. Цяпер з’явіўся шанец праявіць сябе ў Штатах.

***

Клубны чэмпіянат свету па футболе — спаборніцтва, у якім бяруць удзел пераможцы еўрапейскай Лігі чэмпіёнаў, паўднёваамерыканскага Кубка Лібертадорэс, аналагаў у Паўночнай Амерыцы, Афрыцы і Азіі, а таксама некаторыя клубы з найлепшым рэйтынгам.

Упершыню ў турніры, што пройдзе ў ЗША з 14 чэрвеня па 13 ліпеня возьмуць удзел 32 каманды і пераможцы такіх турніраў з 2021 года. 32 клубы будуць разбітыя на восем групаў.

Ад Еўропы бяруць удзел «Манчэстэр Сіці», «Чэлсі», «Рэал», «Атлетыка», ПСЖ, «Баварыя», «Барусія», «Ювентус», «Мілан», «Порту», «Бенфіка», «Рэд Бул Зальцбург».

Турнір пачнецца ў ноч на заўтра матчам «Інтэр Маямі» — «Аль Ахлі». «Пачука» першы матч правядзе ў ноч на 19 чэрвеня супраць «Рэд Бул Зальцбург»

Каментары

Цяпер чытаюць

Трамп паверыў у поўную перамогу Украіны3

Трамп паверыў у поўную перамогу Украіны

Усе навіны →
Усе навіны

Колькі трэба адкладаць у месяц, каб купіць кватэру па новай сістэме будаўнічых зберажэнняў1

У Польшчы затрымалі групоўку, якая па-за санкцыямі пераганяла люксавыя аўто ў Беларусь і Расію3

На вуліцы Карла Маркса ў Мінску прадаюць яркую сталінку. Квадрат каштуе больш за $4400

Мінчанка прадала машыну за 900 рублёў, а праз чатыры гады даведалася пра доўг 6000 рублёў4

Nvidia дамовілася інвеставаць да $100 млрд у ChatGPT — кампаніі плануюць стварыць суперінтэлект2

«На прабегу 40—55 тысяч пачынаюць прагараць клапаны». Беларусы пра досвед карыстання Geely13

Як Стакгольм перамог заторы без абурэння жыхароў8

«Залаты мяч» атрымаў французскі нападнік Усман Дэмбеле

Аэрапорты Даніі і Нарвегіі прыпынялі працу праз з'яўленне вялікіх дронаў9

больш чытаных навін
больш лайканых навін

Трамп паверыў у поўную перамогу Украіны3

Трамп паверыў у поўную перамогу Украіны

Галоўнае
Усе навіны →

Заўвага:

 

 

 

 

Закрыць Паведаміць