З яго дапамогай таксама можна перакладаць на беларускую мову відэа, агучаныя на іншых мовах.
Пра гэта паведамляе «Радыё Свабода».
Мабільная праграма Captions дазваляе аўтаматычна дадаваць субцітры на створанае відэа з дапамогай штучнага інтэлекту. Беларускія карыстальнікі дадатку заўважылі, што беларуская з'явілася ў спісе моў, на якіх можна ствараць подпісы.
З'яўленне беларускай мовы ў Captions цяпер дае магчымасць кожнаму не толькі генераваць субцітры на беларускай мове літаральна ў два клікі, але і перакладаць на беларускую мову відэа, агучаныя на англійскай, нямецкай і іншых мовах.
Пра даданне беларускай мовы ў праграму даўно прасілі яе беларускія карыстальнікі. Улетку 2024 года пад петыцыяй за даданне беларускай мовы падпісалася больш за 800 чалавек.
«Мне прыемна абвясціць, што цяпер мы падтрымліваем беларускую мову. Вельмі дзякуем вам за галасаванне і цярпенне!» — адказала Captions у паведамленні пад петыцыяй.
Каментары