Свет55

«Вельмі добрая і прадуктыўная». Трамп пракаментаваў сваю размову з Пуціным

Прэзідэнт ЗША Дональд Трамп напісаў у сацсетцы TruthSocial, што ягоная тэлефонная размова з Уладзімірам Пуціным, якая адбылася 18 сакавіка, была «вельмі добрай і прадуктыўнай».

Дональд Трамп. Фота: Pool via AP

«Мая сённяшняя тэлефонная размова з прэзідэнтам Расіі Пуціным была вельмі добрай і прадуктыўнай. Мы дамовіліся пра неадкладнае спыненне агню ва ўсіх энэргетычных і інфраструктурных аб'ектах, разумеючы, што мы будзем працаваць хутка, каб дамагчыся поўнага спынення агню і, у канчатковым выніку, канца гэтай жудаснай вайны паміж Расіяй і Украінай», — напісаў Трамп.

Пры гэтым ён які ўжо раз падкрэсліў, што «гэтая вайна ніколі б не пачалася», калі б ён «быў прэзідэнтам».

«Абмяркоўваліся многія элементы дамовы аб міры, уключаючы той факт, што гінуць тысячы жаўнераў, і як прэзідэнт Пуцін, так і прэзідэнт Зяленскі хацелі б, каб гэта скончылася. Гэты працэс цяпер у поўнай сіле і дзеянні, і мы, спадзяюся, дзеля чалавецтва выканаем гэтую працу», — напісаў Трамп. 

Раней з'яўлялася інфармацыя, што найбліжэйшы час прэзідэнт ЗША Дональд Трамп мае намер правесці размову з прэзідэнтам Украіны Уладзімірам Зяленскім і расказаць яму пра сваю размову з Пуціным, але пакуль што пра выкананне гэтага намеру не паведамлялася. 

Зяленскі цяпер знаходзіцца з візітам у Фінляндыі, дзе асноўнай тэмай яго перамоў, як і ў іншых краінах-саюзніцах, з'яўляецца дапамога Украіне ў супрацьдзеянні расійскай агрэсіі.

«Еўропа павінна быць за сталом перамоў, і ўсё, што тычыцца бяспекі Еўропы, павінна вырашацца разам з Еўропай», — заявіў ён падчас гэтага візіту.

У заявах, выдадзеных Крамлём і Белым домам пасля размовы Пуціна з Трампам, пра ўдзел у перамовах аб міры прадстаўнікоў Еўрасаюза, як і самой Украіны, не згадваецца.

Каментары5

  • Filipp
    18.03.2025
    Answer, А якія дасягненні, прымусіў Путіна аддаць загад не бамбіць энергетыку Ўкраіны на 30 дзён!
  • Churchill
    18.03.2025
    будзе ён сядзець
  • 1.
    19.03.2025
    Калі адзін прымушае другога чакаць гадзіну, а потым абодва кажуць, што ўсё супер... Ёсць разуменне ў абодвух аб тым, што адбываецца, ёсць варыянты мадэлявання магчымых будучых падзей і вынікаў ад памылак. ЗША не дапамагаюць Украіне не таму, што не хочуць, а таму, што не могуць.

60‑гадовая п’яная беларуска ператварыла палёт з Парыжа ў Вільню ў кашмар3

60‑гадовая п’яная беларуска ператварыла палёт з Парыжа ў Вільню ў кашмар

Усе навіны →
Усе навіны

Азаронак: Трэба адмяняць да ядрэні фені ўсялякія выбары52

Беларускі дызайнер прадае звычайны камень з Нарачы за $20001

Беларускія дальнабойшчыкі ўсё часцей выбіраюць для працы Германію замест Польшчы і Літвы. Расказваюць пра заробкі10

Колькі сяброў можа быць у чалавека ў эпоху сацсетак? Навуковец падлічыў4

«Раней Марзалюк выступаў у калоніі, што экстрэмісты — ворагі народу. А апошні раз — што трэба ўмець дараваць»10

11‑гадовую школьніцу з Брэста збілі за парушэнне правілаў гульні2

Ізраіль і ХАМАС падпісалі дамоўленасці ў межах першага этапу мірнага плана

Верашчака — польская страва і польскае слова. Бондараўцы ў захапленні ад чарговага «доказу» неіснавання беларускай культуры21

Былы палітвязень Шафарэнка: Не чапаць нашых родных — адна з умоў угоды з амерыканцамі5

больш чытаных навін
больш лайканых навін

60‑гадовая п’яная беларуска ператварыла палёт з Парыжа ў Вільню ў кашмар3

60‑гадовая п’яная беларуска ператварыла палёт з Парыжа ў Вільню ў кашмар

Галоўнае
Усе навіны →

Заўвага:

 

 

 

 

Закрыць Паведаміць