«Vielmi dobraja i praduktyŭnaja». Tramp prakamientavaŭ svaju razmovu z Pucinym
Prezident ZŠA Donald Tramp napisaŭ u sacsietcy TruthSocial, što jahonaja telefonnaja razmova z Uładzimiram Pucinym, jakaja adbyłasia 18 sakavika, była «vielmi dobraj i praduktyŭnaj».
«Maja siońniašniaja telefonnaja razmova z prezidentam Rasii Pucinym była vielmi dobraj i praduktyŭnaj. My damovilisia pra nieadkładnaje spynieńnie ahniu va ŭsich enerhietyčnych i infrastrukturnych abjektach, razumiejučy, što my budziem pracavać chutka, kab damahčysia poŭnaha spynieńnia ahniu i, u kančatkovym vyniku, kanca hetaj žudasnaj vajny pamiž Rasijaj i Ukrainaj», — napisaŭ Tramp.
Pry hetym jon jaki ŭžo raz padkreśliŭ, što «hetaja vajna nikoli b nie pačałasia», kali b jon «byŭ prezidentam».
«Abmiarkoŭvalisia mnohija elemienty damovy ab miry, uklučajučy toj fakt, što hinuć tysiačy žaŭnieraŭ, i jak prezident Pucin, tak i prezident Zialenski chacieli b, kab heta skončyłasia. Hety praces ciapier u poŭnaj sile i dziejańni, i my, spadziajusia, dziela čałaviectva vykanajem hetuju pracu», — napisaŭ Tramp.
Raniej źjaŭlałasia infarmacyja, što najbližejšy čas prezident ZŠA Donald Tramp maje namier pravieści razmovu z prezidentam Ukrainy Uładzimiram Zialenskim i raskazać jamu pra svaju razmovu z Pucinym, ale pakul što pra vykanańnie hetaha namieru nie paviedamlałasia.
Zialenski ciapier znachodzicca ź vizitam u Finlandyi, dzie asnoŭnaj temaj jaho pieramoŭ, jak i ŭ inšych krainach-sajuźnicach, źjaŭlajecca dapamoha Ukrainie ŭ supraćdziejańni rasijskaj ahresii.
«Jeŭropa pavinna być za stałom pieramoŭ, i ŭsio, što tyčycca biaśpieki Jeŭropy, pavinna vyrašacca razam ź Jeŭropaj», — zajaviŭ jon padčas hetaha vizitu.
U zajavach, vydadzienych Kramlom i Biełym domam paśla razmovy Pucina z Trampam, pra ŭdzieł u pieramovach ab miry pradstaŭnikoŭ Jeŭrasajuza, jak i samoj Ukrainy, nie zhadvajecca.
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos11
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4848
Kamientary