Stali viadomy mahčymyja ŭmovy Rasii dla spynieńnia ahniu va Ukrainie
Rasija zapatrabavała prypynić usie pastaŭki zbroi va Ukrainu na čas 30-dzionnaha spynieńnia ahniu, jakoje prapanavali Vašynhton i Kijeŭ pa vynikach pieramovaŭ u Džydzie, piša Bloomberg sa spasyłkaj na «aśviedamlenyja krynicy».
Jak udakładnili surazmoŭcy ahienctva, prezident Rasii Uładzimir Pucin padčas sustrečy sa śpiecpasłańnikam prezidenta ZŠA Ścivam Uitkafam 13 sakavika nazvaŭ heta abaviazkovaj umovaj dla padpisańnia pahadnieńnia ab spynieńni ahniu.
Płan-minimum Maskvy zaklučajecca ŭ prypynieńni vajennaj dapamohi chacia b z boku Vašynhtona, skazali dźvie krynicy, «znajomyja ź mierkavańniem Kramla». Pavodle adnoj ź ich, pastaŭki zbroi mohuć być adnoŭlenyja tolki paśla zaklučeńnia mirnaha pahadnieńnia, u ramkach jakoha Ukraina pavinna budzie pahadzicca na abmiežavańnie svajho vajennaha patencyjału.
ES supraćstaić hetamu patrabavańniu, bo błakiroŭka vajennych pastavak moža pryvieści da pieraŭzbrajeńnia Rasii, u toj čas jak Ukrainie heta budzie zabaroniena, pryvodzić Bloomberg słovy vysokapastaŭlenaha jeŭrapiejskaha čynoŭnika.
ZŠA nibyta ŭžo pahadzilisia z Rasijaj pa pytańniach terytoryj i admovie Ukrainy ad členstva ŭ NATO, što ŭzmacniła tryvohu ŭ ES nakont «asłableńnia i ŭraźlivaści» Kijeva pry luboj mirnaj ździełcy, jakuju Donald Tramp moža zaklučyć z Pucinym.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary