Генсак НАТА «цалкам верыць» у здольнасць Трампа дамовіцца пра мір ва Украіне
Генеральны сакратар НАТА Марк Рутэ ўпэўнены ў здольнасці прэзідэнта ЗША Дональда Трампа дамовіцца пра мір ва Украіне, паведамляе CNN.
Па словах Марка Рутэ, ён мае «поўны давер» да Трампа ў пытанні дасягнення працяглага мірнага пагаднення ва Украіне. Пра гэта генеральны сакратар НАТА сказаў у інтэрв'ю CNN напярэдадні запланаванай размовы прэзідэнта ЗША з прэзідэнтам Расіі Уладзімірам Пуціным.
Рутэ таксама назваў «выдатным» той факт, што прадстаўнікі Украіны і ЗША на мінулым тыдні ў Саудаўскай Аравіі ўзгаднілі прапанову аб спыненні агню.
Як дадаў генеральны сакратар альянсу, ён не лічыць, што Трамп занадта давярае Пуціну.
«Ён добра ведае прэзідэнта Пуціна яшчэ з першага тэрміну. Таму ён разумее, як трэба дзейнічаць, каб заключыць здзелку. Я цалкам у гэта веру», — заявіў Рутэ.
Пуцін: Не слухайце Пяскова, у яго праца такая
Сталі вядомы магчымыя ўмовы Расіі для спынення агню ва Украіне
«У размовах з Трампам Пуцін насамрэч кпіў з яго, але Трамп гэтага не разумеў з-за асаблівасцей перакладу»
Трамп прызнаўся, што спрэчка з Зяленскім у Белым доме была часткай ціску на Украіну
Трамп заявіў, што «многія элементы» мірнага пагаднення ўжо ўзгодненыя
Каментары