У Румыніі затрымалі прарасійскага кандыдата ў прэзідэнты Кэліна Джарджэску
У паплечнікаў палітыка, якога звязваюць з Масквой, праходзяць ператрусы.
У Румыніі затрымалі экс-кандыдата ў прэзідэнты Кэліна Джарджэску. Яго машыну спыніла паліцыя, пасля гэтага палітыка даставілі на допыт у Генпракуратуру.
Адначасова сілавікі правялі 47 вобшукаў у набліжаных да Джарджэску, уключаючы яго целаахоўніка Харацію Потру, а таксама партнёрку ахоўніка, якая, паводле даных следства, мае цесныя сувязі з вышэйшымі коламі ўлады ў Маскве, піша digi24.ro.
На некалькіх фатаграфіях, якія фігуруюць у расследаванні, партнёрка ахоўніка адлюстраваная побач з чачэнскімі наймітамі і публікавала пасты, што дэманструюць яе сімпатыю да Расіі. Таксама, паводле інфармацыі следства, Харацію Потра быў заўважаны на Краснай плошчы ў Маскве ў верасні мінулага года.
Сярод абвінавачванняў, прад'яўленых затрыманым, значацца стварэнне фашысцкай групоўкі і фальсіфікацыя даных аб фінансаванні выбарчай кампаніі Джарджэску.
Каманда палітыка пасля затрымання заявіла, што ён мае намер пазмагацца за пасаду прэзідэнта на будучых выбарах.
Нагадаем, Джарджэску перамог у першым туры прэзідэнцкіх выбараў, набраўшы 22.94% галасоў, ён павінен быў пазмагацца за прэзідэнцкі пост у другім туры. Аднак Канстытуцыйны суд скасаваў вынікі першага тура з-за замежнага ўмяшання ў выбарчы працэс. Паводле даных спецслужбаў, за Джарджэску ў тік-току агітавалі дзясяткі тысяч ботаў, якіх звязваюць з Крамлём.
Цяпер чытаюць
«Памеры палохаюць». Як выглядае знутры новаадкрыты гандлёвы цэнтр у «Мінск-Свеце» ФОТЫ13
Каментары
Зараз азаронкападобныя пачнуць енчыць пра "свабоду слова і дэмакаратыю" =)