Перад другім турам у Румыніі цалкам адмянілі выбары. Прэзідэнцкая кампанія пачнецца наноў
Рашэнне было прынята падчас датэрміновага галасавання ў другім туры. Яно не можа быць абскарджанае і з'яўляецца канчатковым.
Пераможцам у першым туры галасавання стаў незалежны кандыдат Кэлін Джарджэску (22,94%), у другі тур выйшла таксама Алена Ласконі (19,17%). Трэцяе месца падчас першага туру заняў цяперашні прэм'ер-міністр Румыніі Марчэл Чалаку (19,14%).
Другі тур павінен быў адбыцца 8 снежня, і на ім ужо ішло папярэдняе галасаванне. Але рашэнне Канстытуцыйнага суда гэты працэс спыняе.
«У адпаведнасці з арт. 146, пункт f) Канстытуцыі, анулюецца ўвесь выбарчы працэс па выбарах прэзідэнта Румыніі, праведзены на падставе пастановы ўрада № 756/2024 аб устанаўленні даты выбараў Прэзідэнта Румыніі ў 2024 годзе», — гаворыцца ў рашэнні суда.
«Выбарчы працэс па выбарах прэзідэнта Румыніі будзе адноўлены ў поўным аб'ёме, а ўрад вызначыць новую дату выбараў прэзідэнта Румыніі, а таксама новую каляндарную праграму для правядзення неабходных дзеянняў», — паведаміў Канстытуцыйны суд.
Суддзі Канстытуцыйнага суда прынялі гэтае рашэнне пасля тэрміновай сустрэчы ў пятніцу для кансультацый, у кантэксце таго, што ў яго паступіла вялікая колькасць новых запытаў аб адмене прэзідэнцкіх выбараў.
4 снежня румынскія спецслужбы апублікавалі дакументы, у якіх было заяўлена, што на карысць кандыдата Кэліна Джарджэску маглі весці агітацыю 25 тысяч бот-акаўнтаў у тыктоку. Спецслужбы звязваюць гэтую агітацыю з Масквой. Менавіта яе ўмяшальніцтва, якое паўплывала на вынікі выбараў, і стала прычынай іх адмены.
Джарджэску ставіў пад сумнеў сяброўства Румыніі ў НАТА і крытыкаваў дапамогу Украіне.
У Румыніі будуць судзіць замежніка, які планаваў дыверсіі па ўказанні Расіі
У Румыніі партыя прэм'ер-міністра перамагае на парламенцкіх выбарах
У Румыніі праходзяць парламенцкія выбары. Ёсць пабойванні, што прарасійскія сілы могуць займець поспех
Прапуцінскі папуліст перамог у першым туры выбараў у Румыніі, але прэзідэнтам мае стаць жанчына-ліберал
Выбары ў Румыніі: у першым туры лідзіруе кандыдат, які крытыкаваў NATO і дапамогу Украіне
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве37
Каментары