Pierad druhim turam u Rumynii całkam admianili vybary. Prezidenckaja kampanija pačniecca nanoŭ
Rašeńnie było pryniata padčas daterminovaha hałasavańnia ŭ druhim tury. Jano nie moža być abskardžanaje i źjaŭlajecca kančatkovym.
Pieramožcam u pieršym tury hałasavańnia staŭ niezaležny kandydat Kelin Džardžesku (22,94%), u druhi tur vyjšła taksama Alena Łaskoni (19,17%). Treciaje miesca padčas pieršaha turu zaniaŭ ciapierašni premjer-ministr Rumynii Marčeł Čałaku (19,14%).
Druhi tur pavinien byŭ adbycca 8 śniežnia, i na im užo išło papiaredniaje hałasavańnie. Ale rašeńnie Kanstytucyjnaha suda hety praces spyniaje.
«U adpaviednaści z art. 146, punkt f) Kanstytucyi, anulujecca ŭvieś vybarčy praces pa vybarach prezidenta Rumynii, praviedzieny na padstavie pastanovy ŭrada № 756/2024 ab ustanaŭleńni daty vybaraŭ Prezidenta Rumynii ŭ 2024 hodzie», — havorycca ŭ rašeńni suda.
«Vybarčy praces pa vybarach prezidenta Rumynii budzie adnoŭleny ŭ poŭnym abjomie, a ŭrad vyznačyć novuju datu vybaraŭ prezidenta Rumynii, a taksama novuju kalandarnuju prahramu dla praviadzieńnia nieabchodnych dziejańniaŭ», — paviedamiŭ Kanstytucyjny sud.
Sudździ Kanstytucyjnaha suda pryniali hetaje rašeńnie paśla terminovaj sustrečy ŭ piatnicu dla kansultacyj, u kantekście taho, što ŭ jaho pastupiła vialikaja kolkaść novych zapytaŭ ab admienie prezidenckich vybaraŭ.
4 śniežnia rumynskija śpiecsłužby apublikavali dakumienty, u jakich było zajaŭlena, što na karyść kandydata Kelina Džardžesku mahli vieści ahitacyju 25 tysiač bot-akaŭntaŭ u tyktoku. Śpiecsłužby źviazvajuć hetuju ahitacyju z Maskvoj. Mienavita jaje ŭmiašalnictva, jakoje paŭpłyvała na vyniki vybaraŭ, i stała pryčynaj ich admieny.
Džardžesku staviŭ pad sumnieŭ siabroŭstva Rumynii ŭ NATA i krytykavaŭ dapamohu Ukrainie.
U Rumynii buduć sudzić zamiežnika, jaki płanavaŭ dyviersii pa ŭkazańni Rasii
U Rumynii partyja premjer-ministra pieramahaje na parłamienckich vybarach
U Rumynii prachodziać parłamienckija vybary. Jość pabojvańni, što prarasijskija siły mohuć zajmieć pośpiech
Prapucinski papulist pieramoh u pieršym tury vybaraŭ u Rumynii, ale prezidentam maje stać žančyna-libierał
Vybary ŭ Rumynii: u pieršym tury lidziruje kandydat, jaki krytykavaŭ NATO i dapamohu Ukrainie
Kamientary