U Rumynii buduć sudzić zamiežnika, jaki płanavaŭ dyviersii pa ŭkazańni Rasii
Upraŭleńnie pa baraćbie z arhanizavanaj złačynnaściu i teraryzmam Rumynii paviedamiła ab aryšcie hramadzianina Kałumbii, jaki pa ŭkazańni Rasii płanavaŭ učynić vybuchi na abjektach krainy. Pra heta paviedamlaje «Jeŭrapiejskaja praŭda».
34-hadovaha kałumbijca aryštavali supracoŭniki antyterarystyčnaha ŭpraŭleńnia, a 13 listapada jaho spravu pieradali ŭ sud.
Pa danych śledstva, mužčyna na praciahu lipienia 2024 hoda pa padbuchtorvańni inšaha zamiežnika, jaki žyvie ŭ Rasii, płanavaŭ padpały i vybuchi na abjektach u Rumynii, «jakija majuć asablivaje značeńnie i mohuć pahražać nacyjanalnaj biaśpiecy».
Aryštavany paśpieŭ źniać zhadanyja abjekty, ale da dyviersij nie dajšło dziakujučy ŭmiašańniu palicyi.
Ab hramadzianinie Kałumbii viadoma, što jon na radzimie słužyŭ u vojsku i prajšoŭ padrychtoŭku pa zbory raźviedvalnaj infarmacyi. Pa inkryminavanych abvinavačańniach jamu pahražaje ad 10 da 20 hadoŭ źniavoleńnia ŭ Rumynii.
Ab sudzie nad kałumbijcam stała viadoma na fonie aktyvizacyi dyviersijnaj rasijskaj dziejnaści ŭ Jeŭropie.
Kiraŭnik Ministerstva zamiežnych spraŭ Čechii Jan Lipoŭski zajaviŭ, što da sotni «padazronych incydentaŭ» u Jeŭropie na praciahu 2024 hoda mohuć być źviazany z Rasijaj.
Rasśledavańnie krušeńnia samalota DHL u Vilni: Dokazaŭ teraktu niama
Ahienty HRU Miškin i Čapiha, jakija atrucili Skrypaloŭ, viarbujuć ludziej dla dyviersij u Jeŭropie
Jak Rasija najmaje kryminalnikaŭ dla vykanańnia śpiecapieracyj na Zachadzie
Kapitanam kitajskaha sudna, jakoje padazrajuć u paškodžańni kabielaŭ na dnie Bałtyjskaha mora, akazaŭsia hramadzianin Rasii
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary