Astranomy znajšli novuju płanietu, patencyjna prydatnuju dla žyćcia
Astranomy znajšli novuju płanietu, jakaja moža być patencyjna prydatnaj dla žyćcia. Abjekt HD 137010 b znachodzicca na adlehłaści 146 śvietłavych hadoŭ ad Ziamli, i jon tolki na 6% bolšy za našu płanietu, piša The Guardian sa spasyłkaj na Astrophysical Journal Letters.
Płanietu identyfikavała mižnarodnaja kamanda navukoŭcaŭ z Aŭstralii, Vialikabrytanii, ZŠA i Danii dziakujučy danym kaśmičnaha teleskopa NASA Kepler, sabranaha ŭ 2017 hodzie. Zorka, vakoł jakoj krucicca HD 137010 b, chaładniejšaja i ciamniejšaja za Sonca, tamu tempieratura na pavierchni płaniety moža być marsijanskaj — da -70°C.
Arbita płaniety składaje kala 355 dzion, i daśledčyki ličać, što isnuje prykładna 50% vierahodnaści taho, što HD 137010 b znachodzicca ŭ zonie, prydatnaj dla žyćcia. Jaje jarkaść i blizkaść robiać płanietu dasiažnaj dla nazirańniaŭ sučasnymi i budučymi teleskopami.
Ale navat niahledziačy na blizkaść u kaśmičnym maštabie, čałaviectvu dla dasiahnieńnia hetaj płaniety spatrebilisia b dziasiatki ci navat sotni tysiač hadoŭ.
Astrafiziki taksama papiaredžvajuć, što dla aficyjnaj kłasifikacyi hetaha niabiesnaha cieła jak płaniety patrebnyja dadatkovyja danyja, bo pakul zafiksavany tolki adzin tranzit.
Kali ŭ Minsku adkryjuć abnoŭleny płanietaryj?
Amierykanski startap prapanuje zareziervavać za miljon miesca ŭ hateli na Miesiacy
Navukoŭcy NASA vyjavili zvyšstojkija bakteryi, jakija abyšli sterylizacyju i mohuć vyžyć pry palocie na Mars
Biełaruś vyvieła na arbitu dva novyja spadarožniki: što pra ich viadoma
Kamientary
Ziamli zastalosia ūsiaho 5 mlrd hadoū žyccia, samy čas adčalvac.
Kali vyliaciec da toj planety ciapier, dyk jak raz i daliaciš, jak užo klimat tam budzie adpaviadac ciapierašniamu ziamnomu.
Z saboju treba ūziac pluh, baranu, kania, ziernie žyta, hančarnaje kola, krosny i pralku. A! jašče siakieru, luk i strely...Nie zaškodziac...