Астраномы знайшлі новую планету, патэнцыйна прыдатную для жыцця
Астраномы знайшлі новую планету, якая можа быць патэнцыйна прыдатнай для жыцця. Аб’ект HD 137010 b знаходзіцца на адлегласці 146 светлавых гадоў ад Зямлі, і ён толькі на 6% большы за нашу планету, піша The Guardian са спасылкай на Astrophysical Journal Letters.
Планету ідэнтыфікавала міжнародная каманда навукоўцаў з Аўстраліі, Вялікабрытаніі, ЗША і Даніі дзякуючы даным касмічнага тэлескопа NASA Kepler, сабранага ў 2017 годзе. Зорка, вакол якой круціцца HD 137010 b, халаднейшая і цямнейшая за Сонца, таму тэмпература на паверхні планеты можа быць марсіянскай — да -70°C.
Арбіта планеты складае каля 355 дзён, і даследчыкі лічаць, што існуе прыкладна 50% верагоднасці таго, што HD 137010 b знаходзіцца ў зоне, прыдатнай для жыцця. Яе яркасць і блізкасць робяць планету дасяжнай для назіранняў сучаснымі і будучымі тэлескопамі.
Але нават нягледзячы на блізкасць у касмічным маштабе, чалавецтву для дасягнення гэтай планеты спатрэбіліся б дзясяткі ці нават сотні тысяч гадоў.
Астрафізікі таксама папярэджваюць, што для афіцыйнай класіфікацыі гэтага нябеснага цела як планеты патрэбныя дадатковыя даныя, бо пакуль зафіксаваны толькі адзін транзіт.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне1
Каментары
Ziamli zastalosia ūsiaho 5 mlrd hadoū žyccia, samy čas adčalvac.
Kali vyliaciec da toj planety ciapier, dyk jak raz i daliaciš, jak užo klimat tam budzie adpaviadac ciapierašniamu ziamnomu.
Z saboju treba ūziac pluh, baranu, kania, ziernie žyta, hančarnaje kola, krosny i pralku. A! jašče siakieru, luk i strely...Nie zaškodziac...