U Estonii chočuć zabaranić biełarusam biez pastajannaha DNŽ nabyvać nieruchomaść
Estonskija ŭłady rychtujuć źmieny ŭ zakanadaŭstvie, jakija praduhledžvajuć zabaronu na nabyćcio nieruchomaści dla hramadzian Rasii i Biełarusi, kali jany nie majuć doŭhaterminovaha dazvołu na žycharstva. Z takoj inicyjatyvaj vystupiŭ ministr unutranych spraŭ Ihar Tara. Abmiežavańni zakranuć taksama kampanii, faktyčnymi ŭładalnikami jakich źjaŭlajucca takija asoby, piša Delfi.ee.
Ministr tłumačyć heta krokam nieabchodnaściu ŭmacavańnia nacyjanalnaj biaśpieki. Na jaho dumku, ludzi ź niezrazumiełaj bijahrafijaj, jakija znachodziacca ŭ Estonii niadaŭna abo časova, mohuć vykarystoŭvać nieruchomaść u varožych metach — dla raźviedki, dyviersij abo padrychtoŭki dziejańniaŭ u kryzisnych situacyjach na fonie ahresiŭnaj palityki Kramla i jaho sajuźnikaŭ.
Ihar Tara adznačyŭ, što ŭjezd i znachodžańnie takich hramadzian u Estonii ŭžo amal całkam abmiežavanyja, tamu łahična pazbavić ich i prava na kuplu nieruchomaści. Jon padkreśliŭ, što havorka idzie pra realnuju pahrozu i što Estonija pavinna pierajści ad častkovych abmiežavańniaŭ da pramych zabaronaŭ, jak heta ŭžo zrabili šerah krain ES i NATA. Padobnyja prablemy, pa jaho słovach, turbujuć taksama ŭłady Finlandyi, Narviehii, Šviecyi, Litvy, Łatvii i inšych dziaržaŭ.
Ciapier u Estonii ŭžo isnujuć peŭnyja abmiežavańni na kuplu nieruchomaści ŭ pamiežnych zonach i na małych astravach, ale ministr ličyć hetyja miery niedastatkovymi i małaefiektyŭnymi.
Razam z tym novyja praviły nie buduć raspaŭsiudžvacca na hramadzian Rasii i Biełarusi, jakija majuć doŭhaterminovy dazvoł na žycharstva. Jany zachavajuć prava kuplać, pradavać, atrymlivać u spadčynu abo daryć nieruchomaść. Tara patłumačyŭ, što hetyja ludzi ŭžo prajšli pravierku pry atrymańni dazvołu na pražyvańnie, tamu padstaŭ dla dadatkovych zabaron u ich vypadku niama.
Pa stanie na 9 studzienia ŭ Estonii žyvuć 1190 hramadzian Biełarusi z doŭhaterminovym dazvołam na žycharstva i 1476 — z časovym. Siarod hramadzian Rasii doŭhaterminovy dazvoł na žycharstva majuć 70 237 čałaviek, a časovy — 7797.
Kamientary
A nasamreč vielmi pryvabnaja kraina. Pryhožaje ūzbiarežža, maliaūničyja vyspy, tradycyjnaje žyccio i zvyčai zachavanyja praz stahoddzi, kultura, pavaha, ciarpimasc, šmat u čym mudrasc i spahada.
Chto tam žyvie, bielarusy, toj pacvierdzic...
Ja lublu Estoniju, ja z zadavalnienniem naviedvaju hetuju krainu.
Hańba!