Novy premjer Niderłandaŭ vystupiŭ suprać pryncypu adnahałosnaści pry pryniaćci rašeńniaŭ ES
Premjer-ministr Niderłandaŭ Rob Jeten, jaki zusim niadaŭna zastupiŭ na pasadu, zajaviŭ, što Jeŭrapiejskamu sajuzu varta admovicca ad pryncypu adnahałosnaści pry pryniaćci častki pastanoŭ. Pavodle jaho słoŭ, niadaŭniaje vieta Vienhryi na kredyt Ukrainie demanstruje, što ciapierašniaja sistema moža zapavolvać reakcyju ES na važnyja pytańni, paviedamlaje Euronews.
Jeten adznačyŭ, što novy ŭrad Niderłandaŭ vystupaje za skaračeńnie kolkaści rašeńniaŭ, jakija prymajucca adnahałosna, pakolki heta ŭskładniaje i zapavolvaje pracu Jeŭrasajuza.
Jon padkreśliŭ, što jeŭrapiejskija lidary pavinny vykonvać raniej dasiahnutyja damoŭlenaści. U vypadku ich nievykanańnia, na jahonuju dumku, Jeŭrapiejskaj kamisii varta razhladać mahčymyja miery reahavańnia.
Taksama jon zaklikaŭ padtrymać Ukrainu ŭ najbližejšyja miesiacy, kab jana mahła praciahvać supraćstajać rasijskaj ahresii. Pavodle słoŭ niderłandskaha premjera, va ŭmovach skaračeńnia padtrymki z boku ZŠA Jeŭropie nieabchodna ŭziać na siabie bolšuju adkaznaść.
Asobna Jeten vykazaŭsia pra pierśpiektyvy ŭstupleńnia Ukrainy ŭ ES. Jon ličyć, što ciapier rana nazyvać kankretnuju datu dałučeńnia, choć dyjałoh pa hetym pytańni mahčymy.
Pry hetym pašyreńnie Jeŭrasajuza, na jaho dumku, treba razhladać z hieapalityčnaha punktu hledžańnia, ale dziejničać aściarožna, kab nie padarvać asnovy jeŭrapiejskaha prajekta.
Akramia taho, premjer zakranuŭ pytańni biaśpieki i enierhietyki, adznačyŭšy mahčymyja nastupstvy mižnarodnych kanfliktaŭ dla cen hazu i stratehičnych zapasaŭ. Jon padkreśliŭ nieabchodnaść padrychtoŭki da doŭhaterminovych vyklikaŭ i mahčymaha ŭpłyvu vajennych padziej na ekanomiku.
U cełym Jeten zajaviŭ, što Niderłandy viartajucca da aktyŭnaj roli ŭ jeŭrapiejskaj palitycy, majuć namier umacoŭvać abaronu, padtrymlivać ekanamičnuju kankurentazdolnaść i ŭdzielničać u farmavańni nastupnaha doŭhaterminovaha biudžetu ES, zasiarodžanaha na klučavych napramkach raźvićcia — abaronie, technałohijach i klimacie.
Adkryty hiej staŭ najmaładziejšym u historyi premjer-ministram Niderłandaŭ
«Zamiest vyratavańnia Jeŭropy centrysty viaduć jaje ŭ prorvu»
ES vykazaŭ zakłapočanaść i zaklikaŭ prajavić strymanaść paśla pačatku vajennych dziejańniaŭ u Iranie
Fon der Lajen paabiacała, što Ukraina atrymaje zabłakavanyja Orbanam 90 miljardaŭ jeŭra «tak ci inakš»
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny24
Kamientary
Pridiet vriemia, i na mnienije Nidierłandov plunut, kak on chočiet plunuť na mnienije Vienhrii.