Rasijskaja SPA źbiła ŭłasny viertalot pad Rastovam — zahinuli troje členaŭ ekipaža
U noč na 4 sakavika rasijskija SPA źbili ŭ Rastoŭskaj vobłaści viertalot Mi-8 Minabarony RF. Jon upaŭ na chleŭ miascovaha fiermiera ŭ chutary Dudki ŭ Mileraŭskim rajonie. Viertalot paśla padzieńnia zahareŭsia, taksama zhareła haspadarčaja pabudova. Pra heta ASTRA paviedamili miascovyja žychary i paćvierdzili krynicy ŭ MNS RF.
ASTRA dazvaniłasia da fiermiera, na čyj chleŭ upaŭ viertalot. Jon paviedamiŭ, što «ź im usio dobra», pakłaŭ słuchaŭku i ad dalejšych kamientaryjaŭ admoviŭsia.
Try členy ekipaža viertalota zahinuli na miescy. Mirnyja žychary nie paciarpieli, dadali krynicy vydańnia ŭ MNS RF.
Chutar Dudki znachodzicca ŭ niekalkich kiłamietrach ad vajskovaha aeradroma «Milerava».
Raniej pra toje, što padčas pracy SPA pa ŭkrainskich bieśpiłotnikach byŭ źbity rasijski viertalot, paviedamili biez detalaŭ Z-pabliki i miascovyja žychary ŭ čatach. Hubiernatar pra źbićcio viertalota i hibiel traich vajskoŭcaŭ pramaŭčaŭ, paviedamiŭšy, što «nichto ź ludziej nie paciarpieŭ».
«Minułym viečaram i nočču Rastoŭskaja vobłaść padviarhałasia pavietranaj atacy. Niekalki dziasiatkaŭ BPŁA adbity ŭ dvuch rajonach — Mileraŭskim i Tarasaŭskim. Ludzi nie paciarpieli. Ale nie abyšłosia biez nastupstvaŭ na ziamli — u vyniku padzieńnia abłomkaŭ BPŁA na terytoryju bazy adpačynku, jakaja budujecca, častkova paškodžany (škleńnie i ŭvachodnyja dźviery) niežyłoha pamiaškańnia. Infarmacyja pra nastupstvy ŭdakładniajecca», — napisaŭ rastoŭski hubiernatar Juryj Ślusar.
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary