Pakistan padrychtavaŭ płan spynieńnia vajny pamiž ZŠA i Iranam, jaki praduhledžvaje adkryćcio Armuzskaha praliva
Hałoŭnakamandujučy armijaj Pakistana ŭvieś viečar padtrymlivaŭ kantakty z Džej Dzi Vensam, Styvam Uitkafam i ministram zamiežnych spraŭ Irana Abasam Arakčy.
Pakistan padrychtavaŭ płan spynieńnia vajny pamiž ZŠA i Iranam, jaki praduhledžvaje adkryćcio Armuzskaha praliva. Reuters śćviardžaje, što jon moža ŭstupić u siłu ŭžo siońnia.
Padrychtavany Pakistanam płan praduhledžvaje dvuchetapny padychod: nieadkładnaje spynieńnie ahniu (što dazvolić adkryć Armuzski praliŭ) z nastupnym zaklučeńniem usiebakovaha pahadnieńnia. Na heta advodzicca 15—20 dzion, piša Reuters.com
Čakajecca, što kančatkovaje pahadnieńnie ŭklučyć abaviazacielstvy Irana nie raźvivać jadziernuju zbroju ŭ abmien na źmiakčeńnie sankcyj i razbłakiroŭku zamarožanych aktyvaŭ, skazała krynica.
Pa jaje słovach, hałoŭnakamandujučy armijaj Pakistana Asim Munir ŭvieś viečar padtrymlivaŭ kantakty ź vice-prezidentam ZŠA Džej Dzi Vensam, śpiecyjalnym pasłańnikam Trampa Styvam Uitkafam i ministram zamiežnych spraŭ Irana Abasam Arakčy.
«Usie elemienty pavinny być uzhodnieny siońnia», — skazaŭ surazmoŭca Reuters.
Adnak, pa słovach dźviuch pakistanskich krynic, Iran pakul nie daŭ zhody na hety płan, niahledziačy na aktyvizacyju dypłamatyčnych i vajennych kantaktaŭ.
Učora Donald Tramp anansavaŭ piekła ŭ Iranie ŭžo zaŭtra ŭ aŭtorak, kali Iran nie addaść praliŭ.
«U aŭtorak u Iranie budzie «Dzień elektrastancyj» i «Dzień mastoŭ» — usio ŭ adnym. Ničoha padobnaha jašče nie było!!! Adkryjcie hety čortavy praliŭ, šalonyja vyradki», albo vy budziecie žyć u Piekle — prosta hladzicie! Chvała Ałachu!» — napisaŭ jon učora.
Da pačatku vajny ZŠA i Izraila ź Iranam (28 lutaha) praz Armuzski praliŭ prachodziła kala piataj častki suśvietnych pastavak nafty. Z pačatkam vajny Iran faktyčna zakryŭ prachod praz praliŭ. U kancy sakavika Iran zajaviŭ, što «varožym» krainam budzie i dalej zabaroniena karystacca pralivam.
Kamientary
A sud v Pakistanie - eto vysšaja forma spraviedlivosti, k niej, biezusłovno, nieobchodimo striemiťsia.