«Adkryjcie hety čortavy praliŭ, šalonyja vyradki!» Tramp anansavaŭ piekła ŭ Iranie ŭžo ŭ hety aŭtorak
Prezident ZŠA Donald Tramp, vyhladaje, zhubiŭ ciarpieńnie. Jon vystupiŭ z ultymatyŭnaj pahrozaj u adras Tehierana, anansavaŭšy maštabnuju vajennuju apieracyju.
«Adkryjcie hety čortaŭ praliŭ, šalonyja vyradki, albo vy budziecie žyć u Piekle!» — napisaŭ Tramp.
Prezident ZŠA paabiacaŭ, što ŭ aŭtorak u Iranie budzie «niešta».
«U aŭtorak u Iranie budzie «Dzień elektrastancyj» i «Dzień mastoŭ» — usio ŭ adnym. Ničoha padobnaha jašče nie było!!! Adkryjcie hety čortavy praliŭ, šalonyja vyradki», albo vy budziecie žyć u Piekle — prosta hladzicie! Chvała Ałłachu!» — napisaŭ jon.
Da pačatku vajny ZŠA i Izraila ź Iranam (28 lutaha) praz Armuzski praliŭ prachodziła kala piataj častki suśvietnych pastavak nafty. Z pačatkam vajny Iran faktyčna zakryŭ prachod praz praliŭ. U kancy sakavika Iran zajaviŭ, što «varožym» krainam budzie i dalej zabaroniena karystacca pralivam.
Pieršy raz Tramp davaŭ Iranu 48 hadzin na adkryćcio Armuzskaha pralivu 21 sakavika. Tady jon zajaviŭ, što paśla zakančeńnia hetaha terminu ZŠA źniščać najbujniejšyja elektrastancyi Irana.
-
Pucin zajaviŭ, što zamiest kiraŭnika CRU achvotniej budzie pieramaŭlacca z Uitkafam i Kušnieram
-
Pašynian zajaviŭ, što Armienija nie budzie pravodzić refierendum ab siabroŭstvie ŭ ES
-
Nivodzin z novych spadarožnikaŭ, jakija prezientujucca jak rasijski anałah Starlink, pakul nie vyjšaŭ na naležnuju arbitu
Kamientary