Kaśmičny karabiel «Aryjon» dasiahnuŭ zony hravitacyjnaha ŭpłyvu Miesiaca
Kaśmičny karabiel «Aryjon» ciapier znachodzicca ŭ punkcie, dzie siła pryciahnieńnia Miesiaca dziejničaje macniej, čym hravitacyja Ziamli, paviedamili ŭ NASA.
Astranaŭty znachodziacca ŭ darozie kala piaci dzion. A 8:42 (pa minskim časie) «Aryjon» uvajšoŭ u zonu ŭpłyvu Miesiaca: adtul kasmanaŭty mohuć adnačasova bačyć Ziamlu i Miesiac i, mahčyma, navat soniečnaje zaćmieńnie, kali Sonca, z punktu hledžańnia «Aryjona», źniknie za Miesiacam.
Ciapier astranaŭtaŭ čakajuć vyrašalnyja hadziny: u 20:00 jany pavinny ablacieć Miesiac. Dla vyrašalnaha manieŭru, jaki, miž inšym, budzie tranślavacca ŭ pramym efiry na YouTube, adviedziena šeść hadzin.
U hety čas «Aryjon» maksimalna nablizicca da Miesiaca: «Jany pralaciać nad advarotnym bokam Miesiaca i sfatahrafujuć miesiacovyja ŭtvareńni, jakija jašče nikoli nie bačyła čałaviečaje voka», — paviedamlaje NASA.
Niahledziačy na vysokija technałohii i honku za rekordami, na karabli znajšłosia miesca i dla vielikodnaj tradycyi: ekipaž «Aryjona» schavaŭ na borcie vielikodnyja jajki.
«Heta byli, praŭda, abiazvodžanyja jajki, ale my ŭsie byli vielmi ščaślivyja», — skazała amierykanskaja astranaŭtka Kryścina Koch.
Na borcie znachodziacca amierykanskija astranaŭty Viktar Hłovier, Kryścina Koch i Ryd Uajzman, a taksama kanadski astranaŭt Džeremi Chansien. Koch — pieršaja žančyna na borcie misii NASA.
Kamientary
Nu, niama nijakaj inšaj lohicy ŭ tym palocie...