Касмічны карабель «Арыён» цяпер знаходзіцца ў пункце, дзе сіла прыцягнення Месяца дзейнічае мацней, чым гравітацыя Зямлі, паведамілі ў NASA.
Астранаўты знаходзяцца ў дарозе каля пяці дзён. А 8:42 (па мінскім часе) «Арыён» увайшоў у зону ўплыву Месяца: адтуль касманаўты могуць адначасова бачыць Зямлю і Месяц і, магчыма, нават сонечнае зацьменне, калі Сонца, з пункту гледжання «Арыёна», знікне за Месяцам.
Цяпер астранаўтаў чакаюць вырашальныя гадзіны: у 20:00 яны павінны абляцець Месяц. Для вырашальнага манеўру, які, між іншым, будзе транслявацца ў прамым эфіры на YouTube, адведзена шэсць гадзін.
У гэты час «Арыён» максімальна наблізіцца да Месяца: «Яны праляцяць над адваротным бокам Месяца і сфатаграфуюць месяцовыя ўтварэнні, якія яшчэ ніколі не бачыла чалавечае вока», — паведамляе NASA.
Нягледзячы на высокія тэхналогіі і гонку за рэкордамі, на караблі знайшлося месца і для велікоднай традыцыі: экіпаж «Арыёна» схаваў на борце велікодныя яйкі.
«Гэта былі, праўда, абязводжаныя яйкі, але мы ўсе былі вельмі шчаслівыя», — сказала амерыканская астранаўтка Крысціна Кох.
На борце знаходзяцца амерыканскія астранаўты Віктар Гловер, Крысціна Кох і Рыд Уайзман, а таксама канадскі астранаўт Джэрэмі Хансен. Кох — першая жанчына на борце місіі NASA.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
Ну, няма ніякай іншай лёгіцы ў тым палёце...