Ekipaž «Artemidy» zhubić suviaź ź Ziamloj, ale ŭsio idzie pa płanie
Nichto jašče nie byŭ tak daloka ad doma, jak astranaŭty misii «Artemida».
Ale pakul Ziamla stanaviłasia ŭsio mienšaj u ich «lusterku zadniaha vidu», jany mieli pastajannuju suviaź z centram kiravańnia palotami ŭ Chjustanie, štat Techas. Spakojnyja słovy kamandy NASA davali ekipažu adčuvańnie suviazi z domam.
Adnak nočču suviaź ź Ziamloj pierarviecca, piša Bi-bi-si.
Kali astranaŭty apynucca za Miesiacam prykładna ŭ 03:47 pa biełaruskim časie ŭ noč na aŭtorak, radyjo– i łaziernyja sihnały, jakija zabiaśpiečvajuć suviaź pamiž kaśmičnym karablom i Ziamloj, buduć zabłakavanyja samim Miesiacam.
«Kali my budziem za Miesiacam, biez suviazi z usimi, davajcie vykarystajem heta jak mahčymaść, — skazaŭ piłot Viktar Hłovier BBC News pierad misijaj. — Davajcie pamolimsia, budziem spadziavacca, pasyłajcie svaje dobryja dumki i pačućci, kab my znoŭ vyjšli na suviaź z ekipažam».
Pa stanie na 09:40 ranicy paniadziełka, ekipaž pralacieŭ užo 378 tysiač kiłamietraŭ, zastałosia 56 tysiač kiłamietraŭ, palot doŭžycca čaćviora sutak i dzieviać hadzin.
Ciapier čytajuć
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary