Čamu navat maładym nie varta biehčy za aŭtobusam, što adjazdžaje
Viasna — čas rezkaj źmieny rytmu žyćcia. Haradžanie pačynajuć čaściej paskarać krok, kab paśpieć na transpart, a dačniki adkryvajuć siezon «šturmu» hradak. Adnak ekśpiert papiaredžvaje: dla niepadrychtavanaha arhanizma takija ryŭki — sapraŭdny stres.
Raptoŭny bieh za transpartam stanovicca surjoznym stresam dla niepadrychtavanaha arhanizma, asabliva dla serca, jakoje nie hatova da rezkaha pavieličeńnia nahruzki, havoryć staršy vykładčyk kafiedry miedycynskaj reabilitacyi i spartyŭnaj miedycyny Biełaruskaha dziaržaŭnaha miedycynskaha ŭniviersiteta Alona Vanda.
Sproba dahnać transpart — heta ekstremalnaja nahruzka na serca. Śpiecyjalist paraŭnoŭvaje taki raptoŭny bieh z cebram ledzianoj vady. Sučasny čałaviek daŭno nie paluje na mamantaŭ, jaho sasudy i myšcy pryvykli da spakoju. Rezki skačok aktyŭnaści biez raźminki moža spravakavać sasudzistuju katastrofu, asabliva paśla zimovaj «śpiački».
Ekśpiert padkreślivaje, što sučasny ład žyćcia nie praduhledžvaje rehularnych intensiŭnych nahruzak, jak heta było ŭ staražytnaści. Tamu dla bolšaści ludziej raptoŭnyja fizičnyja namahańni stanoviacca adčuvalnym vyprabavańniem.
Serca zdolnaje pracavać intensiŭna, ale tolki pry ŭmovie płaŭnaha pavieličeńnia nahruzki. Rezkija namahańni biez padrychtoŭki mohuć niehatyŭna adbicca na samaadčuvańni, tamu važna vykonvać umieranaść i pastupova viartacca da viasnovaj aktyŭnaści.
Ciapier čytajuć
RIA Naviny apublikavała kałonku, što Rasiju čakaje jašče adna «SVA» — ź Litvoj. A paśla vydaliła z paznakaj «Nie adpaviadaje dziaržaŭnaj palitycy»30
RIA Naviny apublikavała kałonku, što Rasiju čakaje jašče adna «SVA» — ź Litvoj. A paśla vydaliła z paznakaj «Nie adpaviadaje dziaržaŭnaj palitycy»
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary