Adzin z asudžanych za terakt u «Krokusie» skončyŭ žyćcio samahubstvam
Adzin z asudžanych da pažyćciovaha terminu pa spravie ab terakcie ŭ «Krokusie» ździejśniŭ suicyd, paviedamlaje vydańnie RBK sa spasyłkaj na Hałoŭnaje ŭpraŭleńnie Fiederalnaj słužby vykanańnia pakarańniaŭ pa horadzie Maskvie.
«Na miescy byli praviedzienyja reanimacyjnyja dziejańni, jakija nie dali vynikaŭ. Na hety momant pravodzicca pravierka, siońnia buduć vyniki», — havorycca ŭ paviedamleńni.
Pavodle danych telehram-kanała Shot, samazabojca — 37‑hadovy Jusufzada Jakubdžani.
Sprobu samahubstva jon nibyta zrabiŭ unačy ŭ staličnym SIZA «Matroskaja cišynia». Daktary dastavili mužčynu ŭ balnicu, dzie reanimavali niekalki hadzin, ale ŭ vyniku jon pamior.
Jakubdžani razam ź jašče 10 asobami atrymaŭ pažyćciovy termin jak pamahaty čatyroch niepasrečnych vykanaŭcaŭ teraktu. Jon pieravodziŭ hrošy na apłatu žylla vykanaŭcam.
Prysud pa spravie teraktu ŭ maskoŭskim zabaŭlalnym centry «Krokus» byŭ vyniesieny 12 sakavika. 15 čałaviek atrymali pažyćciovyja terminy. Siarod ich nie tolki zabojcy, ale i tyja, chto dapamahaŭ z hrašyma, žyllom i transpartam. Prysud vyklikaŭ abureńnie ŭ paciarpiełych, jakija ličać jaho zanadta miakkim praz tearetyčnuju mahčymaść umoŭna-daterminovaha vyzvaleńnia ŭ budučyni. Advakaty achviar navat prapanoŭvali prypynić dla takich vypadkaŭ maratoryj na śmiarotnaje pakarańnie.
Napad na «Krokus Sici Choł» pad Maskvoj adbyŭsia 22 sakavika 2024 hoda. Uzbrojenyja napadniki ŭvarvalisia ŭ zału pierad kancertam hurta «Piknik», adkryli ahoń pa ludziach i padpalili budynak. U vyniku zahinuŭ 151 čałaviek, jašče adzin ličycca źnikłym bieź viestak, a bolš za 600 atrymali ranieńni.
Śledstva ŭstanaviła, što napad arhanizavali členy zabaronienaj u Rasii terarystyčnaj hrupoŭki «Viłajat Charasan» razam z saŭdzielnikami. Častka ź ich prajšła padrychtoŭku za miažoj, inšyja znachodzilisia na terytoryi Rasii i zajmalisia pošukam zbroi, jaje pierarobkaj i dastaŭkaj. Častku ŭzbrajeńnia pryvieźli spačatku ŭ dahiestanski Kaśpijsk, a pierad napadam — u Maskvu.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary