U apošnija niekalki hadoŭ u modzie byli bolš ciomnyja kolery vałasoŭ, ale ŭ 2026‑m moda raźviarnułasia ŭ inšy bok. Nastupiła novaja era idej dla błandzinak, piša Harper's Bazaar.
Sieryjał «Historyja kachańnia» pra Keralin Bieset-Kienedzi paŭpłyvaŭ na ŭsplosk cikavaści da minimalistyčnaj mody 90‑ch i śvietłaha adcieńnia vałos. Ale nie tolki jon. Takija zorki, jak Marho Robi, Roze z hurta Blackpink i Ania Tejłar-Džoj, taksama demanstrujuć kłasičny błond.
Kolkaść zapytaŭ u Google «lived-in blond» (błond z efiektam adrosłych karanioŭ) vyrasła na 20 pracentaŭ z pačatku 2026 hoda.
Ekśpierty ličać, što cikavaść raście jašče i tamu, što stać błandynkaj i padtrymlivać hety koler ciapier praściej, farby nie takija škodnyja. Dyj tyja žančyny, jakija kaliści byli błandzinkami, a paśla adraścili svoj naturalny koler i adnavili zdaroŭje vałasoŭ, znoŭ hatovy da ekśpierymientu.
Kałarysty vyłučajuć niekalki modnych adcieńniaŭ błondu ŭ 2026 hodzie. Kali raniej zapyt byŭ na «pacavałavanyja soncam» vałasy (technika bałajaž, kali afarbavana častka pasmaŭ), to ciapier — na sucelny, jarki śvietły błond. Naprykład, jak u aktrys Marho Robi i Eł Feninh. Jon mienš padobny da plažnaha stylu, čym papiarednija viersii.
Šmat zapytaŭ na śvietła-bežavy, pierłamutravy «šampań-błond».
A voś ad popielnych i chałodnych tonaŭ naadvarot adychodziać — žančyny viartajucca da ciopłaha koleru.
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień11
Kamientary