Hety sieryjał abmiarkoŭvaje ŭvieś žanočy Threads. I rychtujecca pierajmać styl hałoŭnaj hieraini
Samy haračy kinaraman hoda, sieryjał «Historyja kachańnia» (Love Story), raskazvaje pra syna prezidenta ZŠA i kansultantku modnaha brendu. U im hraje i praŭnučka Chieminhueja.
«Historyja kachańnia» — piaty prajekt z bujnoj franšyzy «Amierykanskaja historyja», što abjadnoŭvaje sieryjały pra viadomyja vypadki z sučasnych i amal sučasnych ZŠA. Raniej dla franšyzy zdymali sieryjały ŭ žanry žachaŭ, tru-krajm i nievialičkuju spartyŭnuju dramu.
Ciapier stvaralniki franšyzy vyjšli z tych nišavych žanraŭ i ŭzialisia za historyi kachańnia. Dla pieršaha siezona ŭziali sapraŭdny raman Džona Kienedzi-małodšaha, syna amierykanskaha prezidenta Džona Kienedzi, zabitaha Li Charvi Osvaldam u 1963-m.
U pačatku hetaj historyi Kienedzi-małodšamu 31 hod, i jon — ledź nie amierykanski prync: ŚMI sočać za kožnym jaho krokam, a sam jon siarod samych zajzdrosnych chałaściakoŭ ZŠA, jakomu prypisvajuć ramany z topavymi zorkami. Džon naradziŭsia praz dva tydni paśla taho, jak jaho baćku abrali prezidentam, i zrazumieła, što jon ros na vačach usioj krainy.
Da hetaha dadamo, što paśla zabojstva jaho baćki siamja Kienedzi na dziesiacihodździ apynułasia ŭ centry ŭvahi amierykancaŭ — možna paraŭnać z tym, jak brytancy sočać za navinami pra svaju karaleŭskuju siamju.
U 1992‑m Kienedzi — pamočnik prakurora, jaki sprabuje zdać ekzamien na prava pracavać advakatam. Jon sustrakaje Keralin Biesiet, uzychodziačuju zorku modnaha brenda Calvin Klein. Biesiet, dačka stalara i čynoŭnicy, raspačynała jak prostaja pradaŭščyca ŭ kramie Calvin Klein. Pa stanie na 1992 hod jana darasła da modnaj kansultantki, jakuju brend nakiroŭvaŭ pracavać z bahatymi klijentami.
Toj samy Kełvin Klajn i znajomić Kienedzi ź Biesiet. Pieršaja sustreča, adnak, skančvajecca ničym, bo Kienedzi znachodzicca ŭ adnosinach z aktrysaj Derył Chana — jaje hraje Dry Chieminhuej, praŭnučka taho samaha piśmieńnika Ernesta Chieminhueja.
Ale vierniemsia da historyi kachańnia. U 1994‑m Džon i Keralin pačynajuć sustrakacca, i miedyja z zadavalnieńniem smakujuć lubuju detal pra ich adnosiny — naprykład, pišuć pra toje, dzie jany abiedajuć, i dziažurać pad voknami ich kvatery.
Kab schavacca ad žurnalistaŭ, im daviałosia ładzić viasielle na addalenym vostravie ŭ amierykanskaj hłušy. Da samaha kanca hetaj historyi ŭ 1999 hodzie para zastavałasia pad mocnym presinham ŚMI. Skončyłasia ŭsio trahična — Kienedzi i Biesiet zahinuli ŭ avijakatastrofie.
Kali kazać pra rejtynhi, «Historyja kachańnia» nie chapaje zorak ź nieba. Na płatformie IMDb, naprykład, u prajekta 7,7 bałaŭ z 10 — niabłaha, ale byvaje i lepš.
Zatoje ŭ sacsietkach prajekt pryniali dobra: zdajecca, jaho abmiarkoŭvaje ŭvieś žanočy Threads, u tym liku pa-biełarusku. I bolš za ŭsio žančynam spadabaŭsia styl prajekta, što i nie dziŭna: usio-tki hałoŭnaja hierainia — supracoŭnica zornaha modnaha doma i ikona mody taho času. Styl hieraini — minimalizm z 90-ch, prostyja linii i totał błek — tak čaplaje hladačak, što jany abmiarkoŭvajuć, dzie možna nabyć pradmiety adzieńnia ekrannaj Keralin Biesiet.
Estetyka hetaha prajekta nie skančvajecca na adnoj hieraini, bo stvaralniki sieryjała pryhoža adnaŭlajuć detali pobytu 90-ch. A tyja hladački, chto idzie hłybiej za karcinku, abmiarkoŭvajuć i samu historyju kachańnia hałoŭnych hierojaŭ: maŭlaŭ, ci sapraŭdy heta pra vialikaje kachańnie abo chutčej pra taksičnyja adnosiny?
Fieministka i viadučaja «Obyčnoho utra» Maryna Mientusava taksama nie prajšła mima sieryjała.
«Idealny sieryjał na pačatak viasny. Girls, ja ledź prymusiła siabie iści spać», — napisała jana ŭ storys.
«Naša Niva» — bastyjon biełaruščyny
PADTRYMAĆCiapier čytajuć
Polski dypłamat raskazaŭ, jak pryvoziŭ Kolu multfilmy na dyskach i kim dla siamji Łukašenkaŭ byŭ Makiej4
Kamientary