Ekranizavany raman nobieleŭskaha łaŭreata «Muziej cnatlivaści».
Učora na stryminhach vyjšaŭ dzieviacisieryjny film «Muziej cnatlivaści» pa adnajmiennym ramanie Archana Pamuka, što pabačyŭ śviet u 2009 hodzie.
«Kiemal byŭ naślednikam adnoj z samych upłyvovych siemjaŭ Stambuła. Jaho žyćcio, zdavałasia, była nakanavanaje: bliskučaja adukacyja, vyhadnyja dziełavyja pierśpiektyvy, śvieckija pryjomy i zmoviny ź dziaŭčynaj sa svajho koła. Ale ŭsio źmianiłasia paśla vypadkovaj sustrečy z dalokaj svajačkaj Fiusun. Pamiž imi ŭspychnuła iskra, jakaja chutka pierarasła ŭ tajemny raman. Ich suviaź pačynałasia jak mimalotnaje zachapleńnie, ale dla Kiemala jana stała sensam žyćcia. Jon byŭ hatovy pajści suprać siamji, hramadskich čakańniaŭ i ŭłasnaj budučyni, aby być pobač z kachanaj» — havorycca ŭ anatacyi da filma.
Usie roli ŭ sieryjale vykanali tureckija akciory.
Archan Pamuk — nobieleŭski łaŭreat pa litaratury 2006 hoda. Samyja viadomyja jaho tvory «Džeŭbiet-biej i jaho syny» (pieršy raman), «Biełaja krepaść», «Čornaja kniha», «Śnieh», «Mianie zavuć čyrvony», «Stambuł — kniha ŭspaminaŭ», «Rudavałosaja žančyna» dy inš.
Apošni raman piśmieńnika — «Čumnyja nočy» (2021), pra epidemiju čumy na asmanskim vostravie Minhier u Mižziemnym mory. Padziei adbyvajucca ŭ 1903 hodzie. Doktar Nury i jaho žonka Pakize, siastra zrynutaha sułtana Abduł-Chamida i (plamieńnica sułtana Murada V), paśla taho jak na vostravie zabivajuć hałoŭnaha sanitarnaha doktara Asmanskaj impieryi, uradženca Varšavy Bankoŭskaha, zastajucca na vostrava i pačynajuć zmahańnie z chvarobaj. Raman napisany ad imia ŭnučki Pakize i Nury, doktarki historyi i archivistki.
Za knihu na Pamuka zaviali spravu pavodle abvinavačvańnia ŭ abrazie Ataciurka i tureckaha ściaha.
-
«Skončycie ŭžo hetu bojniu». Režysior Źviahincaŭ atrymaŭ Hran-pry Kanskaha fiestyvalu i źviarnuŭsia sa sceny da Pucina
-
«Spačatku žančyny»: u hetym filmie žančyny kirujuć śvietam, a mužčyny vučacca być spakuślivymi, kab zrabić karjeru
-
«Minataŭr» Andreja Źviahincava — antyvajennaja drama, jakuju stojačy vitali ŭ Kanach
Kamientary
Sieryjaly, heta huma humavaja...