Chočacie, kab dzicia było razumniejšym? Mahčyma, dapamoža vitamin D padčas ciažarnaści
Pryjom pavyšanych doz vitaminu D padčas ciažarnaści moža być źviazany ź lepšaj pamiaćciu ŭ dziaciej va ŭzroście 10 hadoŭ. Da takoj vysnovy pryjšli daśledčyki z Danii. Adnak ekśpierty zaklikajuć da strymanaści ŭ acenkach i čakajuć dadatkovych vyprabavańniaŭ.
Jak piša Daily Mail, daśledavańnie navukoŭcaŭ z Kapienhahienskaha ŭniviersiteta pakazała mahčymuju suviaź pamiž pryjomam padvyšanych doz vitaminu D padčas ciažarnaści i kahnityŭnymi zdolnaściami dziaciej u budučyni.
U miežach kliničnaha ekśpierymientu śpiecyjalisty nazirali za dźviuma hrupami budučych maci. Pieršaja hrupa prymała standartnuju dozu vitaminu D u 10 mkh (400 mižnarodnych adzinak), u toj čas jak druhaja atrymlivała pavyšanuju dozu — 70 mkh (2800 mižnarodnych adzinak).
Usiaho ŭ prajekcie ŭdzielničali kala 500 žančyn. Kali ich dzieci dasiahnuli 10‑hadovaha ŭzrostu, im prapanavali šerah testaŭ na pamiać. Analiz atrymanych źviestak pakazaŭ, što dzieci maci, jakija prymali pavialičanuju dozu vitaminu, u siarednim spravilisia z zadańniami krychu lepš za svaich adnahodkaŭ, čyje maci atrymlivali standartnuju normu.
Prafiesar akušerstva z Karaleŭskaha kaledža Łondana Endru Šenan u intervju vydańniu adznačyŭ, što hetyja vyniki adpaviadajuć raniejšym nazirańniam u daśledavańniach na žyviołach. Adnak vučony zaklikaŭ nie rabić paśpiešlivych vysnoŭ.
Jon padkreśliŭ, što hety analiz nie byŭ asnoŭnaj metaj ekśpierymientu i pravodziŭsia ŭžo paśla atrymańnia asnoŭnych vynikaŭ. Heta aznačaje, što vyjaŭlenaja suviaź moža być vypadkovaj i patrabuje paćvierdžańnia. Kali ŭ budučyni padobnyja vysnovy paćvierdziacca ŭ inšych daśledavańniach, jany mohuć mieć istotnaje značeńnie dla sistemy hramadskaha zdaroŭja.
Inšyja śpiecyjalisty źviartajuć uvahu na toj fakt, što bolšaść udzielnic daśledavańnia mieli narmalny ŭzrovień vitaminu D jašče da pačatku ekśpierymientu. Tamu atrymanyja vyniki mohuć być nieaktualnymi dla ludziej z surjoznym deficytam hetaha rečyva.
Akramia taho, zafiksavanaja roźnica ŭ pakazčykach pamiaci była davoli ścipłaj, što nie daje padstaŭ śćviardžać pra istotnaje pavyšeńnie intelektualnaha ŭzroŭniu dziaciej tolki za košt vitaminnych dabavak.
Śpiecyjalisty nastojvajuć, što budučym maci varta prytrymlivacca isnujučych parad i kansultavacca z doktaram pierad lubym źmianieńniem daziroŭki preparataŭ, pakolki pytańnie aptymalnaj kolkaści vitaminu dla kahnityŭnaha raźvićcia patrabuje dalejšaha vyvučeńnia.
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary