Navukoŭcy vyvieli pamidory, bahatyja na vitamin D. Heta moža vyklikać revalucyjnyja źmieny ŭ racyjonie ludziej
Vitamin D — naŭzvyčaj kaštoŭny dla arhanizmu, bieź jaho kostki, myšcy i zuby nie buduć zdarovymi. Taksama jon srodak prafiłaktyki aŭtaimunnych zachvorvańniaŭ, takich, jak raśsiejany skleroz. Ryba i małočnyja pradukty — najlepšyja charčovyja krynicy vitaminu D, a ŭ harodninie jaho amal niama. Navukoŭcy znajšli vyjście z dapamohaj revalucyjnaha mietadu redahavańnia hienaŭ.
Kamanda daśledčykaŭ znajšła sposab uzbahacić zvyčajnyja tamaty vitaminam D z dapamohaj hiennaj madyfikacyi.
Kali praces pastavić na patok, heta dapamoža ŭ baraćbie z deficytam vitaminu, ad jakoha pakutujuć bolš za miljard čałaviek pa ŭsim śviecie, u tym liku i biełarusy.
Kali ekśpierymient budzie paśpiachovy, to nieŭzabavie kožny zdoleje vyroščvać krynicu vitaminu na ŭłasnaj dačy, a nie biehčy pa tabletki ŭ apteku.
Jak raspaviadajuć navukoŭcy, paśla pieraŭtvareńnia ŭ kožnym pamidory ŭtrymlivajecca stolki ž vitaminu D, kolki ŭ dvuch jajkach abo 28 hramach tunca.
Pavodle aŭtaraŭ daśledavańnia, madyfikavanyja pamidory nie adroźnivajucca vyhladam ad zvyčajnych, majuć taki ž smak, redahavańnie hienaŭ nie paŭpłyvała na ich rost, raźvićcio abo ŭradžajnaść.
Ale pakul jość prablema. U łabaratoryi paśla hiennaj madyfikacyi pamidory vyroščvali pad ultrafijaletavym vypramieńvańniem. Ciapier navukoŭcy čakajuć, ci ŭdasca vyraścić ich na poli, vykarystoŭvajučy sonca zamiest štučnaha apramianieńnia. Heta źbirajucca vyśvietlić užo ŭ kancy červienia.
Madyfikacyja tamataŭ stała mahčymaj dziakujučy technałohii redahavańnia hienaŭ CRISPR-Cas9. Navukoŭcy, jakija raspracavali hetuju technałohiju, atrymali Nobieleŭskuju premiju pa chimii ŭ 2020 hodzie.
Hety instrumient akazvaje vialiki ŭpłyŭ na bijamiedycynskija daśledavańni, kliničnuju miedycynu, sielskuju haspadarku i fiermierstva. CRISPR-Cas9 dazvalaje vydalać kankretny hien abo ŭbudoŭvać novy hienietyčny materyjał. Technałohija moža akazać vielizarny ŭpłyŭ na zdaroŭje čałaviectva.
Ciapier čytajuć
Aryštavany viadomy nieŭrołah Rusłan Badamšyn. Jon byŭ na chatniaj chimii16
Kamientary