Biełaruska abjaviła pošuk siabroŭki dla «bostanskaha šlubu». Jaje padtrymali
Adna ź biełaruskich karystalnic Threads apisała niaprostuju žyćciovuju situacyju, u jakoj apynułasia, i spytała, ci nie žadaje chtości pažyć ź joj razam «bostanskim šlubam». Prapanova vyklikała burnaje abmierkavańnie, zaŭvažyła vydańnie «MohilevOnłajn».
«Maja situacyja: 30 hadoŭ, jość dzicia (u hetym hodzie ŭ škołu). Razvodžusia. Taksama chaču pamianiać pracu, šukaju novuju (da hetaha pracavała na siabie, ale zaraz niama resursu na svaju śpiecyjalnaść). Kali vy šukajecie taki ž varyjant, napišycie ŭ asabistyja paviedamleńni», — napisała biełaruska.
Niečakana hetaja halinka abmierkavańniaŭ stała virusnaj, sabrała za niekalki dzion bolš za 200 kamientaryjaŭ i amal paŭtary tysiačy łajkaŭ, staŭšy śviedčańniem sapraŭdnaj žanočaj salidarnaści.
U kamientaryjach niekatoryja biełaruski pryznalisia, što mieli dośvied «bostanskaha šlubu» i navat nazvali jaho «najlepšymi hadami žyćcia», inšyja zajavili, što ŭžo ŭ im znachodziacca, a trecija skazali, što taksama hatovyja razhledzieć varyjant sumiesnaha žyćcia z žančynaj, kab vieści byt, hadavać dziaciej, dzialić vydatki i prosta padtrymlivać adna adnu bieź jakoj-niebudź ramantyčnaj padkładki.
«Tolki ŭčora pra heta razmaŭlała sa znajomaj…» — pryznałasia adna biełaruska.
«Čamu mnie chočacca ŭviazacca ŭ heta?)) Saša, 30 hadoŭ, jość dačka — 6‑y kłas», — napisała inšaja dziaŭčyna.
«Žančyny, ja vas abažaju. Ja šmat hadoŭ kazała, što dźvium žančynam z padobnymi pohladami ŭžycca lahčej i kamfortniej», — jašče adzin kamientaryj pad postam.
Termin «bostanski šlub» uźnik jašče ŭ kancy XIX stahodździa ŭ amierykanskaj Novaj Anhlii. Tady adukavanyja i samastojnyja žančyny stali žyć razam, kab zachavać svabodu i prafiesiju, nie zvodziačy žyćcio da zamužža.
Sam vyraz zamacavaŭsia paśla ramana Hienry Džejmsa «Bostancy» (1886), a siońnia nabyvaje druhoje žyćcio. Tak nazyvajuć sumiesnaje žyćcio dźviuch žančyn biez ramantyki — dziela bytu, vydatkaŭ i ŭzajemnaj apory.
«Płača i baicca spać pa načach». Maci pieršakłaśnicy aburyłasia, što dzieciam u 6 hadoŭ raskazvali, jak u Chatyni spalvali ludziej
Rasijanka apublikavała ŭ Threads recept «samych smačnych» biełaruskich dranikaŭ. Biełarusy ŭ šoku
«Lepš by ja hetaha nie bačyła!» U Threads aburylisia vielikodnaj instalacyjaj u Dana Mall. Ale nie ŭsie
Dźvie dziaŭčyny z kavunovaha bataljona Łukašenki zapuścili svoj brend adzieńnia. Zdajecca, nie ŭ Biełarusi
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ10
Kamientary
Čamu vas tak ciahnie na vyčvarenstva henaje marhinalnaje ŭvieś čas?
Stranno, čto voobŝie eto pišut.