Incydent zdaryŭsia na fonie abvastreńnia adnosin Polščy i Ukrainy.
U Polščy zatrymali 36‑hadovaha hramadzianina Ukrainy, jaki, jak śćviardžajecca, pahražaŭ u sacsietkach prezidentu Polščy Karalu Naŭrockamu, paviedamlaje polsatnews.pl.
Palicyja atrymała materyjał z apublikavanaj u internecie razmovaj, padčas jakoj nibyta i prahučali pahrozy śmierciu, i znajšła taho čałavieka.
Vierahodna, 36‑hadovamu ŭkraincu vystaviać abvinavačańnie ŭ źniavazie kanstytucyjnaha orhana Polščy ŭ suviazi z vykazvańniem pahroz u adras prezidenta (art. 226 Kryminalnaha kodeksa Polščy), patłumačyli ŭ palicyi.
Za heta moža hrazić štraf abo pakarańnie ŭ vyhladzie pazbaŭleńnia voli na termin da dvuch hadoŭ.
Incydent zdaryŭsia na fonie abvastreńnia adnosin Polščy i Ukrainy. Paśla taho jak Uładzimir Zialenski nazvaŭ elitnaje padraździaleńnie sił śpiecapieracyj u honar hierojaŭ UPA, Naŭrocki pazbaviŭ jaho ordena Biełaha Arła — najvyšejšaj uznaharody krainy. U adkaz na heta šerah ukrainskich palitykaŭ admovilisia ad uznaharod, jakija im vydała Polšča.
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary