U vyniku dvuch mocnych ziemlatrusaŭ, jakija adbylisia ŭ sieradu ŭ Vieniesuele, zahinuli jak minimum 1430 čałaviek, paviedamiŭ staršynia Nacyjanalnaj asamblei krainy Chorchie Radryhies. 3 360 čałaviek atrymali ranieńni, piša Bi-bi-si.
Pavodle acenak AAN, bolš za 50 tysiač čałaviek dahetul ličacca źnikłymi bieź viestak.
Radryhies nazvaŭ ziemlatrusy «samaj katastrafičnaj padziejaj, jakuju pieražyła Vieniesueła za apošnija 123 hady». Pavodle jaho słoŭ, zaraz u časovych prytułkach znachodziacca 3142 siemji.
Jon udakładniŭ, što paśla dvuch ziemlatrusaŭ u sieradu adbyłosia 430 paŭtornych padziemnych šturškoŭ.
Radryhies zaklikaŭ ludziej zastavacca doma i paźbiahać pajezdak u štat Ła-Huajra — najbolš paciarpieły rehijon, jaki, pavodle jaho słoŭ, pieražyŭ «vielizarnyja razbureńni».
Pavodle paviedamleńniaŭ miedykaŭ, balnicy pracujuć na miažy svaich mahčymaściaŭ.
Daktary raskazali Bi-bi-si, što jašče da ziemlatrusu sistema achovy zdaroŭja Vieniesueły adčuvała vostry deficyt lekaŭ i miedycynskich materyjałaŭ.
U piatnicu v.a. prezidenta krainy Delsi Radryhies rasparadziłasia pieradać kantrol nad štatam Ła-Huajra pad kiravańnie vajskoŭcaŭ dla kaardynacyi vyratavalnych rabot.
AAN paviedamiła, što da pošukava-vyratavalnaj apieracyi ŭžo pryciahnutyja bolš za tysiaču mižnarodnych śpiecyjalistaŭ, u tym liku atrady kinołahaŭ z pošukavymi sabakami.
Zastupnik hienieralnaha sakratara AAN pa humanitarnych pytańniach i kaardynatar nadzvyčajnaj dapamohi Tom Fletčer skazaŭ u radyjoefiry Bi-bi-si: «Ja chaču, kab ludzi ŭ Vieniesuele viedali: dapamoha ŭžo ŭ darozie».
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ2
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach88
Kamientary