Rasijski vajskoviec, jaki vajavaŭ va Ukrainie, zapisaŭ zvarot da Pucina i papiaredziŭ pra miaciež. Jaho aryštavali
«Kali ŭ bližejšy čas ja nie pryjedu ŭ Kreml i nie vystuplu ŭ žyvym efiry pobač z vami, armija paviernie svaju zbroju suprać Kramla», — kazaŭ Alaksandr Łunin u miedalach.
Alaksandr Łunin — rasijski vajskoviec, jaki vajavaŭ va Ukrainie. 25 červienia jon uvieś u miedalach zapisaŭ videazvarot da Pucina. Jon kazaŭ pra katavańni ŭ rasijskich čaściach i papiaredziŭ Pucina pra mahčymy miaciež.
«Kali ŭ bližejšy čas ja nie pryjedu ŭ Kreml i nie vystuplu ŭ žyvym efiry pobač z vami, armija paviernie svaju zbroju suprać Kramla», — zajaviŭ jon u zvarocie.
Jak raskazvaje «Ahienctva», Łunin słužyŭ u dobraachvotnickim bataljonie imia Sudapłatava spačatku strałkom, a potym kamandziram. U śniežni 2022 hoda jon pryjechaŭ u Mielitopal, a ŭ studzieni 2023 hoda vyjšaŭ na pieršuju bajavuju zadaču, paśla čaho jaho padraździaleńnie trapiła pad minamiotny abstreł. Paźniej jon byŭ kantužany.
Łunin tłumačyŭ, jak vyrašyŭ zapisać zvarot. 24 červienia da jaho ŭ vioscy Lizinaŭka Varoniežskaj vobłaści padjechaŭ čorny pazadarožnik. U mašynie byli troje: «Adzin — ź Minabarony, druhi — z MUS. I treci taksama ź niejkaj słužby, ale jana adnosicca da Minabarony, jak ja zrazumieŭ». Jany zapatrabavali zapisać videa, śćviardžaje Łunin.
Łunin kaža, što hetyja ludzi patłumačyli jamu svajo patrabavańnie situacyjaj na froncie. «Nichto nie choča kryvapralićcia. Prosta daniasicie da prezidenta, što budzie poŭny treš u nas, kali dalej tak praciahniecca. Tamu što vielmi šmat ludziej pasyłajuć na zadačy, jakija naohuł absalutna nievykanalnyja. I ludzi adtul nie viartajucca. I ludzi ŭžo nie chočuć iści, a za heta ich karajuć», — pierakazaŭ jon razmovu.
U Łunina dvoje synoŭ. Zaraz jon nie vajuje, tamu što jaho vyhnali, pavodle jaho słoŭ, za nievykanańnie słužbovych abaviazkaŭ u 2025 hodzie.
Roliki vajskoŭca sabrali 15 miljonaŭ i 5 miljonaŭ prahladaŭ. Pres-sakratar Pucina Dźmitryj Piaskoŭ zajaviŭ u piatnicu, što ŭ Kramli nie paśpieli aznajomicca ź videa.
U noč na 27 červienia da Łunina pryjšli. Praviali doma vobšuk, a jaho aryštavali na 11 sutak (infarmacyja pra heta źjaviłasia ŭ telehram-kanale, źviazanym z Łuninym).
-
Zialenski zajaviŭ pra hatoŭnaść da mirnaha pahadnieńnia z raźmiežavańniem pa ciapierašniaj linii frontu
-
U Rasii čarhovy rehijon skaraciŭ vypłaty siemjam zahinułych na vajnie suprać Ukrainy
-
Adrezaŭ sabie stupniu nažom dla tušonki i praciahvaŭ vajavać. Historyja ŭkrainca, jakoha evakujavali bieśpiłotnikam paśla 491 dnia na pazicyi
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary