Sam Karatkievič pryznavaŭsia, što nidzie jamu tak dobra nie pisałasia, jak tut.
Draŭlany dom u Rahačovie, dzie byvaŭ kłasik biełaruskaj litaratury Uładzimir Karatkievič, staić zakinutym.
Biełaruska Julija, jakaja niadaŭna tam pabyvała, była ŭražanaja tym, jak zaniadbany dom.
«Nu jak tak?! My pavinny zachoŭvać takija dalikatnyja nitački, a nasamreč dom, u jakim žyŭ i tvaryŭ piśmieńnik, apynuŭsia ŭ takim zapuścieńni!» — aburyłasia jana ŭ instahramie.
«Sam dom byŭ pabudavany jašče dziadulem Uładzimira Karatkieviča, u 1914 hodzie!
U im dla Uładzimira byŭ adviedzieny asobny pakoj, dzie jon časta siadzieŭ da nočy i pracavaŭ. U interjery zachavałasia jaho lubimaja kušetka, i navat špalery byli z tych časoŭ. Sam Karatkievič pryznavaŭsia: nidzie jamu tak dobra nie pisałasia, jak tut, u Rahačovie, za «dvuma znakamitymi voknami ŭ sad».
Mienavita ŭ Rahačovie byli stvorany abo zadumany jaho klučavyja tvory. Tut jon pačaŭ pisać svoj znakamity raman «Kałasy pad siarpom tvaim».
Siońnia, hledziačy na hety dom, jaki pastupova rujnujecca, ciažka pavieryć, što jon byŭ centram tvorčaha suśvietu vialikaha biełaruskaha piśmieńnika. Miascovyja žychary ŭžo šmat hadoŭ sprabujuć zachavać hetuju spadčynu i marać adkryć tut dom-muziej Karatkieviča».
Raniej abmiarkoŭvałasia ideja stvaryć dom-muziej na hetym miescy.
-
Vyjšaŭ novy tom «Daśledavańniaŭ i materyjałaŭ» Mikoły Chaŭstoviča
-
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča
-
Andrej Alaksandraŭ. Naša svaboda. Vierš
Ciapier čytajuć
Zališniaje budaŭnictva: ci moža luboŭ biełarusaŭ inviestavać hrošy ŭ kvatery pryvieści da kryzisu na rynku nieruchomaści?19
Kamientary