Budzie płavicca asfalt. U niadzielu i paniadziełak uskvaryć da 34—39°S. Mahčyma, pabjom usie mahčymyja rekordy
Ludziam treba być vyklučna aściarožnymi. Padvodzić moža i technika.
Płavicca budzie asfalt, zasychać raśliny. Ciažka budzie dychać i ruchacca. Treba budzie čaściej prymać duš i bolš pić. Samymi śpiakotnymi buduć hadziny miž 15:00 i 20:00. Na asfaltavanych vulicach vialikich haradoŭ realnyja tempieratury dasiahnuć navat 45—50 hradusaŭ.
U niadzielu 28 červienia ŭnačy čakajecca ad +15°S na paŭnočnym uschodzie da +21°S na poŭdni. Maksimalnaja ŭdzień ad +28°S pa paŭnočnym uschodzie da +38°S pa zachadzie. U Minsku da +30°S.
U paniadziełak unačy ŭ asobnych rajonach pa poŭnačy, udzień miescami pa krainie karotkačasovyja daždžy. U asobnych rajonach navalnicy. Heta dadaść trapičnaj zaduchi.
Unačy ad +18 na poŭnačy da +24°S na poŭdni. Udzień ad +30°S pa poŭnačy da +39°S pa paŭdniovym zachadzie. U Minsku da +34°S.
Absalutny tempieraturny rekord červienia pa Biełarusi składaje +37,1°C — jon byŭ zafiksavany 23 červienia 2021 hoda. Padobna, užo zaŭtra jon moža być pabity.
Absalutny tempieraturny rekord za ŭsiu historyju mieteanazirańniaŭ u Biełarusi składaje +38,9°C. Hetaja ekstremalnaja śpiakota była aficyjna zafiksavana 8 žniŭnia 2010 hoda ŭ Homieli. Paści moža i hety rekord. A jašče ž nie lipień i nie žnivień.
Kamientary