Byłaja palitźniavolenaja Nasta Łojka ŭpieršyniu za 3,5 hoda ŭbačyłasia sa svaim sabakam
Eryk žyvie «svajo najlepšaje žyćcio ŭ cudoŭnych ludziej z malaŭničymi prahułkami pa lasach, aziorach dy harach» u Čechii razam ź siabrami Nasty. Jamu ŭžo 10 hadoŭ.
Pravaabaronca Nasta Łojka, jakaja praviała za kratami bolš za 3,5 hoda i była vyzvalenaja ŭ sakaviku 2026 hoda, upieršyniu ŭbačyłasia sa svaim sabakam Erykam. Jana bajałasia, što bolš nikoli nie sustreniecca ź im.
Nasta ŭbačyłasia z sabakam praź videasuviaź. Apošnija hady toj žyvie «svajo najlepšaje žyćcio ŭ cudoŭnych ludziej z malaŭničymi prahułkami pa lasach, aziorach dy harach» u Čechii razam ź siabrami Nasty.
«My vyrašyli nie ciahnuć jaho da mianie ŭ Varšavu. Ja čakaju na lehalizacyju, prajazny dakumient — i adrazu pajedu jaho praviedać. A pakul ja hulaju pa ranicach z novaj siabroŭkaj [Iryny Arachoŭskaj] z sabačaha prytułku, heta Miešy, napišu pra jaje nastupny post. Mnie vielmi pašancavała ź siabroŭstvam i sacyjalnaj padtrymkaj. Luboŭ i salidarnaść sapraŭdy ratujuć śviet», — napisała Nasta Łojka.
Kamientary