Экранізаваны раман нобелеўскага лаўрэата «Музей цнатлівасці».
Учора на стрымінгах выйшаў дзевяцісерыйны фільм «Музей цнатлівасці» па аднайменным рамане Архана Памука, што пабачыў свет у 2009 годзе.
«Кемаль быў наследнікам адной з самых уплывовых сем'яў Стамбула. Яго жыццё, здавалася, была наканаванае: бліскучая адукацыя, выгадныя дзелавыя перспектывы, свецкія прыёмы і змовіны з дзяўчынай са свайго кола. Але ўсё змянілася пасля выпадковай сустрэчы з далёкай сваячкай Фюсун. Паміж імі ўспыхнула іскра, якая хутка перарасла ў таемны раман. Іх сувязь пачыналася як мімалётнае захапленне, але для Кемаля яна стала сэнсам жыцця. Ён быў гатовы пайсці супраць сям'і, грамадскіх чаканняў і ўласнай будучыні, абы быць побач з каханай» — гаворыцца ў анатацыі да фільма.
Усе ролі ў серыяле выканалі турэцкія акцёры.
Архан Памук — нобелеўскі лаўрэат па літаратуры 2006 года. Самыя вядомыя яго творы «Джэўбет-бей і яго сыны» (першы раман), «Белая крэпасць», «Чорная кніга», «Снег», «Мяне завуць чырвоны», «Стамбул — кніга ўспамінаў», «Рудавалосая жанчына» ды інш.
Апошні раман пісьменніка — «Чумныя ночы» (2021), пра эпідэмію чумы на асманскім востраве Мінгер у Міжземным моры. Падзеі адбываюцца ў 1903 годзе. Доктар Нуры і яго жонка Пакізэ, сястра зрынутага султана Абдул-Хаміда і (пляменніца султана Мурада V), пасля таго як на востраве забіваюць галоўнага санітарнага доктара Асманскай імперыі, ураджэнца Варшавы Банкоўскага, застаюцца на вострава і пачынаюць змаганне з хваробай. Раман напісаны ад імя ўнучкі Пакізэ і Нуры, доктаркі гісторыі і архівісткі.
За кнігу на Памука завялі справу паводле абвінавачвання ў абразе Атацюрка і турэцкага сцяга.
Цяпер чытаюць
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах5
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1616
Каментары
Sieryjaly, heta huma humavaja...