Ekstremisckimi pryznali try tvory biełaruskaj litaratury. A taksama zbor tvoraŭ Ćvikieviča, aŭtara knihi «Zachodnierusizm»
Sud Partyzanskaha rajona Minska pryznaŭ «ekstremisckimi» materyjałami sajt i staronku ŭ Instagram kniharni knihi.bu — jana naležała Alesiu Jaŭdachu, jaki niadaŭna aryštoŭvaŭsia pa «spravie kniharoŭ». Taksama hety status atrymali čatyry biełaruskamoŭnyja knihi, ź jakich try — litaraturnyja tvory, a adna — zbornik tvoraŭ biełaruskaha nacyjanalnaha dziejača.
Sud Kastryčnickaha rajona Minska pryznaŭ «ekstremisckimi» nastupnyja knihi:
- Kamiła Cień. «Nastupny prypynak — śmierć»;
- Maks Ščur. «Tam, dzie nas niama»;
- Alaksandr Ćvikievič. «Histaryčnyja pracy tom 1»,
- Makar Vałynkin. «Apošniaje pakaleńnie».
Kamiła Cień, Maks Ščur i Makar Vałynkin — sučasnyja biełaruskija litaratary, tvory jakich vydavalisia ŭ apošnija hady emihracyjnymi vydaviectvami.
Što da Alaksandra Ćvikieviča, to heta viadomy biełaruski nacyjanalny dziejač, apošni premjer emihracyjnaha ŭrada BNR, jaki paśla jaho likvidacyi na Bierlinskaj kanfierencyi ŭ kastryčniku 1925 hoda vyjechaŭ u BSSR. Tam jon napisaŭ i vydaŭ hruntoŭnuju knihu «Zapadno-ruśsizm: narysy z historyi hramadskaj myśli na Biełarusi ŭ XIX i pačatku XX v.». Praŭda, adrazu paśla jaje vychadu jon u 1930 hodzie byŭ aryštavany pa falsifikavanaj spravie «Sajuza vyzvaleńnia Biełarusi», a ŭ 1937 hodzie byŭ rasstralany. Kniha taksama trapiła pad represii i da šyrokaha čytača dajšła tolki ŭ 1990‑ia hady, kali była pieravydadziena ŭžo ŭ niezaležnaj Biełarusi. U hetym tomie, jaki ciapier abvieščany «ekstremisckim», jana taksama jość.
Akramia taho, ekstremiscki śpis hetym razam papoŭnili:
- staronka ŭ fejsbuku «Biełarusy Fłorydy»;
- staronki ŭ instahramie pahoniapobac, americanbelarusfoundation, byaction_usa, Belarusian Miracle, aija.stacenko;
- staronka ŭ tyktoku «cukierka».
Ciapier čytajuć
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ78
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?88
Kamientary