У Эстоніі хочуць забараніць беларусам без пастаяннага ДНЖ набываць нерухомасць
Эстонскія ўлады рыхтуюць змены ў заканадаўстве, якія прадугледжваюць забарону на набыццё нерухомасці для грамадзян Расіі і Беларусі, калі яны не маюць доўгатэрміновага дазволу на жыхарства. З такой ініцыятывай выступіў міністр унутраных спраў Ігар Тара. Абмежаванні закрануць таксама кампаніі, фактычнымі ўладальнікамі якіх з’яўляюцца такія асобы, піша Delfi.ee.
Міністр тлумачыць гэта крокам неабходнасцю ўмацавання нацыянальнай бяспекі. На яго думку, людзі з незразумелай біяграфіяй, якія знаходзяцца ў Эстоніі нядаўна або часова, могуць выкарыстоўваць нерухомасць у варожых мэтах — для разведкі, дыверсій або падрыхтоўкі дзеянняў у крызісных сітуацыях на фоне агрэсіўнай палітыкі Крамля і яго саюзнікаў.
Ігар Тара адзначыў, што ўезд і знаходжанне такіх грамадзян у Эстоніі ўжо амаль цалкам абмежаваныя, таму лагічна пазбавіць іх і права на куплю нерухомасці. Ён падкрэсліў, што гаворка ідзе пра рэальную пагрозу і што Эстонія павінна перайсці ад частковых абмежаванняў да прамых забаронаў, як гэта ўжо зрабілі шэраг краін ЕС і НАТА. Падобныя праблемы, па яго словах, турбуюць таксама ўлады Фінляндыі, Нарвегіі, Швецыі, Літвы, Латвіі і іншых дзяржаў.
Цяпер у Эстоніі ўжо існуюць пэўныя абмежаванні на куплю нерухомасці ў памежных зонах і на малых астравах, але міністр лічыць гэтыя меры недастатковымі і малаэфектыўнымі.
Разам з тым новыя правілы не будуць распаўсюджвацца на грамадзян Расіі і Беларусі, якія маюць доўгатэрміновы дазвол на жыхарства. Яны захаваюць права купляць, прадаваць, атрымліваць у спадчыну або дарыць нерухомасць. Тара патлумачыў, што гэтыя людзі ўжо прайшлі праверку пры атрыманні дазволу на пражыванне, таму падстаў для дадатковых забарон у іх выпадку няма.
Па стане на 9 студзеня ў Эстоніі жывуць 1190 грамадзян Беларусі з доўгатэрміновым дазволам на жыхарства і 1476 — з часовым. Сярод грамадзян Расіі доўгатэрміновы дазвол на жыхарства маюць 70 237 чалавек, а часовы — 7797.
Цяпер чытаюць
ДФР кашмарыць транспартнікаў: у вялікіх лагістычных аператараў крымінальныя справы, вобшукі і арышты17
Каментары
A nasamreč vielmi pryvabnaja kraina. Pryhožaje ūzbiarežža, maliaūničyja vyspy, tradycyjnaje žyccio i zvyčai zachavanyja praz stahoddzi, kultura, pavaha, ciarpimasc, šmat u čym mudrasc i spahada.
Chto tam žyvie, bielarusy, toj pacvierdzic...
Ja lublu Estoniju, ja z zadavalnienniem naviedvaju hetuju krainu.
Ганьба!